Дьуһуурунай борокуруор: суол саахала, түөкүттэргэ түбэһии…

Өрөспүүбүлүкэ сиригэр-уотугар суукка иһигэр 7 буруйу оҥоруу тахсыбыта бэлиэтэннэ. Манан процессуальнай бэрэбиэркэни ыытыыны уонна холуобунай дьыалалары чинчийиини СӨ Борокуратуурата хонтуруолга тутар.

Түөкүннээһин түөрт түбэлтэтэ бэлиэтэннэ, Дьокуускай куорат, Кэбээйи улууһун Сангаар нэһилиэгин олохтоохторуттан Росфинмониторинг, нолуок сулууспатын үлэһиттэрэбит,  суотабай сибээс операторабыт, табаар сакаастаабыккыт диэн 2 мөлүйүөнтэн тахса солкуобайы уордулар диэн СӨ Борокуратуурата иһитиннэрэр.

Мэҥэ Хаҥалас улууһугар сокуоннайа суох наркотигы эргитии эйгэтигэр буруйу оҥоруу бэлиэтэммит, оттон Өймөкөөн улууһугар итирик туруктаах тырааныспары иккиһин ыытыы түбэлтэтэ тахсыбыта бэиэтэннэ.

Суолга киһи өлүүлээх быһылаан бэлиэтэммэтэ. Таатта уонна Томпо улуустарыгар икки суол саахала таҕыста, онно бэлэсипиэттээх уонна сатыы киһини түҥнэри көттүлэр, эмсэҕэлээбит дьон эт-хаан эчэйиитин ылан балыыһаҕа киирдилэр. Суукка иһигэр итирик туруктаах 10 суоппар тутулунна.