Дьуһуурунай борокуруор: суол саахала, уоруу, наркотигынан эргинии

️Өрөспүүбүлүкэҕэ буруйу оҥоруу сэттэ түбэлтэтэ бэлиэтэммит. Борокуратуура буруйу оҥорууларынан процессуальнай бэрэбиэркэлэри уонна холуобунай дьыалалары хонтуруолга тутар.

Дьокуускайга  уорууга хас даҕаны сайабылыанньа киирбит. Ол курдук суотабай төлөпүөнү, ноутбугу,  электроннай тахеометры уорбуттар.  Ленскэйгэ суоппартан албыннаан дистанционнай түөкүттэр  1 мөл. солк. кэриҥэ харчытын суйдаабыттар.

Киин куоракка сокуону кэһэн наркотигынан эргинии итиэннэ Дьокуускайга, Мэҥэ Хаҥаласка арыгы иһэн баран хос уруулга олоруу түбэлтэлэрэ бэлиэтэннэ.

Дьокуускайга уонна Ньурбаҕа иккилии суол быһылаана таҕыста. Ол иһигэр куоракка Билибин-Уустах Избеков уулуссалар быһа охсуһууларыгар тахсыбыт суол быһылааныгар,   1985 с.т. оптуобус суоппара уонна  1975 с.т.,  2013 с.т. пассажирдар госпитализацияланнылар.