Дьуһуурунай борокуруор: Суол саахалыгар пассажир дьахтар тыына быстыбыт

Өрөспүүбүлүкэ үрдүнэн суукка иһигэр 4 буруйу оҥоруу тахсыбытын туһунан иһитиннэрии бэлиэтэннэ диэн СӨ Борокуратууратын пресс-сулууспата иһитиннэрэр.

Дьокуускайга 1-кы куурус устудьуон кыыстан «интэриниэт маҕаһыын курьера эрийэр» диэн схеманан албыннаан 130 тыһ. солкуобайы уорбуттар.

Киин куоракка наркотигы сокуоннайа суох эргинии тохтотулунна, итирик туруктаах уруулга иккиһин олорбут суоппардар тутулуннулар.

Мэҥэ Хаҥалас улууһугар 1984 с.т. суоппар «Тойота Гайя» массыынанан утары суолга тахсан биэрэн, «Тойота Виш» массыынаны кытта харсыспыт. Суол быһылаанын түмүгэр «Тойота Гайя» массыына 1960 с.т. пассажир дьахтар олохтон туораабыт.

Суукка иһигэр итирик туруктаах тырааныспары салайбыт 5 суоппар тутулунна.