Дьуһуурунай борокуруор: суумканы былдьаабыттар, түөкүттэр албыннаабыттар

Ааспыт сууккаҕа Саха сиригэр  буруйу оҥоруу сэттэ түбэлтэтэ бэлиэтэммит. Бу туһунан СӨ Борокуратууратын пресс-сулууспата иһитиннэрэр.

Ол курдук, Хаҥалас улууһугар 1975 с.т. эр киһини өлөрбүттэр. Уорбаланааччы биллибит.

Дьокуускайга С.Данилов аатынан уулуссаҕа дьахтартан астаах-үөллээх суумкатын уонна суотабай төлөпүөнүн күүстэринэн былдьаабыттарын туһунан сайабылыанньа киирбит.

Киин куоракка уонна Мииринэйгэ түөкүттэр дьон харчытын  (190 тыһ.солк. уонна 2,8 мөл. солк.) суйдаабыттар. «Госуслуга» үлэһитэ аатыран уонна «счетчигы уларытабыт» диэн албыннаан төлөпүөннээбиттэр.

Дьокуускайга наркотигынан эргиниини туттулар. Сунтаарга сааны-саадаҕы уонна ботуруоннары сокуоннайа суох харайыы бэлиэтэннэ.

Намҥа кэтэх дьиэҕэ баһаарга үс оҕо суорума суолламмыта. Баһаар буолбут төрүөтүн быһаарыыны борокуратуура хонтуруолга тутар.

Киһи өлүүлээх суол-тырааныспар быһылаана бэлиэтэммэтэ.

Арыгы иһэн баран массыынаны ыыппыт тоҕус киһи тутулунна.

Сиһилии: https://t.me/tprocsakha