Дьуһуурунай борокуруор: Тааттаҕа эр киһи ууга түспүт, Алдаҥҥа самосвал сууллубут

СӨ Борокуратуурата иһитиннэрбитинэн, ааспыт сууккаҕа өрөспүүбүлүкэҕэ араас хабааннаах буруйу оҥоруу туһунан  11 иһитиннэрии  киирбит. Ол иһигэр киһи доруобуйатыгар эчэйиилээх түбэлтэ Сунтаар улууһугар тахсыбыт.

Түөкүннээһиҥҥэ биэс түбэлтэ бэлиэтэммит. Ол иһигэр  Нерюнгрига тэрилтэ кылаабынай механигыттан түөкүннээн туран   3 мөл. солк. кэриҥэ үбүн уорбуттар.

Ленскэйгэ массыынаны күрэтэн барбыттар, оттон Дьокуускайга наркотигынан эргиниигэ буруйу оҥоруу  тахсыбыт.

Таатта улууһугар Таатта үрэххэ сөтүөлүү сылдьан  1985  сыллаах төрүөх эр киһи ууга былдьаммыт.

Суукка устата алта техногеннай баһаар тахсыбыт.

Алдан оройуонугар  самосвал суоппара уруулун сатаан туппакка, суол быһылаана тахсан, массыынаҕа олорсон испит пассажир суорума суолламмыт. Суоппар эчэйиини ылан балыыһаҕа киирбит.