Дьуһуурунай борокуруор: Томпоҕо суоппар ГАИ үлэһитигэр бэрик биэрэ сатаабыт

Саха сиригэр ааспыт сууккаҕа 9 буруйу оҥоруу тахсыбыта бэлиэтэммит.

Киин баан үлэһитэ буолан кубулунан түөкүттэр эдэр киһиттэн  346 тыһ. солк. уорбуттар, ону таһынан Дьокуускай, Мииринэй куораттар олохтоохторуттан 13 мөл.солк. кэриҥэ харчы уоруллубут.

Ленскэйгэ регистрацията суох харабыыннары, ботуруоннары былдьаабыттар — бэрэбиэркэ ыытыллар. Ону таһынан иккиһин итирик туруктаах уруулга олорбут суоппар тутулунна.

Томпоҕо суоппар ГАИ үлэһитигэр харчынан бэрик биэрэ сатаабыта тохтотулунна.

Киин куоракка суоппар олбуорга кэтиллэн балыыһаҕа киирбит.

Киһи өлүүлээх суол быһылаана регистрацияламмата.

Кэбээйи улууһугар элбэх кыбартыыралаах дьиэ умайбыт, үгээрдээн 3 киһи балыыһаҕа киирдэ.

Суукка иһигэр 6 суоппар итирик туруктаах сылдьан тутулунна.