Дьуһуурунай борокуруор: түөкүннээһин, итирик суоппардар, икки киһи өлүүлээх суол саахала…

СӨ Борокуратуурата иһитиннэрэринэн, өрөспүүбүлүкэ үрдүнэн суукка иһигэр 4 буруйу оҥоруу туһунан иһитиннэрии киирбит. Кинилэр бары хонтуруолга ылыллан, холуобунай дьыалалар тэриллэн, силиэстийэ барар.

Түөкүттэргэ 175 тыһ. солк. албыннатта. Дьокуускай куоракка 2003 с.т. кыыс «YouDo» диэн мобильнай сыһыарыы нөҥүө эбии үлэ көрдөөн, түөкүттэр ыыппыт сигэлэринэн киирэн, баан картатын дааннайдарын толорбут уонна түмүгэр 175 тыһыынча солкуобайын албыннатан сүтэрбит.

Саталга итирик суоппар иккистээн түбэстэ. Киин куоракка Сатал түөлбэҕэ массыынаны итирик туруктаах ыытан иһэн иккиһин тутуллубут суоппарга холуобунай дьыала тэрилиннэ.

Киин куоракка атын буруйу оҥоруу. Тэрилтэ дириэктэрэ 13 мөлүйүөн солкуобайы иҥэриммит чахчытынан холуобунай дьыала көбүтүлүннэ. Ону таһынан, 1986 с.т. эр киһиэхэ доруобуйатыгар ыар эчэйиини оҥорбуттар.

Икки киһи өлүүлээх суол саахала. «Лена» А-360 федеральнай суол 386-с килэмиэтиригэр суол саахала таҕыста. 1994 с.т. «Nissan Juke» массыына суоппара инники иһэр улахан массыынаҕа кэтиллибит. Саахал түмүгэр суоппар уонна кини аттыгар олорсон испит дьахтар миэстэтигэр тыыннара быстыбыт. Бу чахчынан бэрэбиэркэ барар, быһылаан буолбут сиригэр Нерюнгри куорат борокуруорун эбээһинэһин толорооччу Антон Никифоров тахса сырытта.

7 итирик суоппар тутулунна. Өрөспүүбүлүкэ үрдүнэн биир суукка иһигэр итирик туруктаах уруулга олорбут 7 суоппар тутуллан, дьаһаллар ылылыннылар.