Дьуһуурунай борокуруор: түөкүннээһин тохтообот

Дьуһуурунай борокуруор иһитиннэрбитинэн, ааспыт сууккаҕа бэрээдэги кэһии 13 түбэлтэтэ бэлиэтэммит.

Дьокуускайга икки уоруу, Алдан уонна Өлүөхүмэ улуустарыгар түөкүннээһин биэс түбэлтэтэ бэлиэтэммит. Хоромньу уопсай суумата 10,5 мөл. солк., итинтэн 10  мөл. кэриҥэ 1947 с.т. Өлүөхүмэ олохтооҕуттан уоруллубут. Дьокуускайга, Ленскэйгэ, Мииринэйгэ уонна Уус Маайаҕа сокуоннайа суохтук наркотигы эргитии түбэлтэлэрэ тохтотуллубуттар.

Суукка устатыгар алта баһаар умуруоруллубут, өлбүт, эмсэҕэлээбит суох.

Киһи өлүүлээх суол-тырааныспар саахала бэлиэтэммэтэх.

Суукка устатыгар кыраадыстааҕы испит 7 суоппар тутуллубут.