Дьуһуурунай борокуруор: түөкүттэр дьон харчытын суйдаабыттар, Дьокуускайга тутуу үстүрүмүөннэрин уорбуттар 

Ааспыт сууккаҕа Саха сиригэр 5 буруйу оҥоруу тахсыбыта бэлиэтэммит. Бу туһунан СӨ Борокуратууратын пресс-сулууспата суруйар.

Хаҥалас улууһугар Хачыкаакка 1972  с.т. эр киһи быһаҕынан анньыллан балыыһаҕа киллэриллибит. Уорбаланааччы кимэ буолара биллибит.

Дьокуускайга тутуу үстүрүмүөннэрин уорбуттар. Маны таһынан, түөкүннээһин туһунан үҥсүбүттэр. Бааза сэбиэдиссэйиттэн, лаборант-быраастан түөкүттэр 1,5 мөл. солк. суйдаабыттар.

Ленскэйгэ арыгы испит киһи хаттаан тырааныспар ыыппыта биллибит.

Киһи өлүүлээх суол-тырааныспар саахала бэлиэтэммэтэх.

Арыгы испит биир киһи көлө ыытан тутуллубут.