Дьуһуурунай борокуруор: Түөкүттэр икки биэнсийэлээхтэн 300 тыһ.солк. тахса харчыны уорбуттар

Ааспыт сууккаҕа өрөспүүбүлүкэ үрдүнэн 5 буруйу оҥоруу бэлиэтэннэ. Бу туһунан СӨ Борокуратууратын пресс-сулууспата иһитиннэрэр.

Хаҥалас улууһун Покровскай куоратыгар баайы-дуолу уоруу туһунан биллэрбиттэр.

Дьокуускайга уонна Нам улууһугар икки биэнсийэлээҕи уонна биир үлэтэ суох киһини албыннаан, түөкүттэр 321 500 солкуобайы уорбуттар.

Өрөспүүбүлүкэ киинигэр сымыйа докумуону туһаныы түбэлтэтэ билиннэ.

Дьокуускай куоракка уонна Үөһээ Дьааҥы улууһугар икки суол быһылаана тахсыбыт, ол түмүгэр икки киһи балыыһаҕa киллэриллибит.

Суукка устата итирик туруктаах 11 суоппар тутулунна.