Дьуһуурунай борокуруор: түөкүттэр, сүүйүүлээх оонньуу, суолга киһи өлүгэ

Өрөспүүбүлүкэҕэ ааспыт сууккаҕа буруйу оҥоруу уон  түбэлтэтэ бэлиэтэммит. Борокуратуура буруйу оҥорууларынан процессуальнай бэрэбиэркэлэри уонна холуобунай дьыалалары хонтуруолга тутар.

Киин куоракка биэнсийэлээх счетуттан 500 тыһ. солк. кэриҥэ харчыны уорбуттар.

Өрөспүүбүлүкэ үс олохтооҕо  «инвестициялааһыҥҥа», төлөпүөнү, квадроциклы куйаар ситиминэн  атыылаһыыга түөкүттэр угаайыларыгар киирэн биэрэн, 2,3 мөл. солк. суйдаппыттар.

Дьокуускайга наркотигынан, сүүйүүлээх оонньуунан сокуону кэһэн туран дьарыктаныы түгэннэрэ бэлиэтэннилэр.

Томпо оройуонугар арыгы иһэн баран хат уруулга олоруу түбэлтэтэ таҕыста.

Мэҥэ Хаҥалас улууһугар суол кытыытыгар  1975 с.т. эр киһи өлүгэ көһүннэ. Бу киһини кимэ биллибэт суоппар түҥнэри көппүт уонна быһылаан тахсыбыт  сириттэн куотан хаалбыт.

Суукка устата арыгы иһэн баран уруулга олорбут 14 суоппар тутулунна.