Дьуһуурунай борокуруор: түөкүттэр угаайылара, арыгы иһэн баран массыына ыытыы

Ааспыт сууккаҕа өрөспүүбүлүкэҕэ буруйу оҥоруу сэттэ түбэлтэтэ бэлиэтэммит. Борокуратуура буруйу оҥорууларынан процессуальнай бэрэбиэркэлэри уонна холуобунай дьыалалары хонтуруолга тутар.

Ол курдук, 1978 с.т. эр киһи доруобуйатыгар ыарахан эчэйии оҥоһуллубут. 250 тыһ.солкуобай сууманы баан счетуттан уорбуттар. Дьокуускай уонна Нерюнгри, Айхал бөһүөлэгин олохтоохторуттан «инвестициянан» албыннаан 2,4 мөл.солкуобайы уорбуттар.

Алдан куоратыгар «ВАЗ-21063» массыынаны уоран ылбыттар.

Суолга киһи өлүүлээх быһылаан бэлиэтэммэтэх. Бүтэһик сууккаҕа арыгы иһэн баран уруулга олорбут 12 суоппар тутуллубут.