Дьуһуурунай борокуруор: түөкүттэр угаайылара, арыгы иһэн баран массыына ыытыы тохтообот

Ааспыт сууккаҕа өрөспүүбүлүкэҕэ буруйу оҥоруу тоҕус түбэлтэтэ бэлиэтэммит.  Борокуратуура буруйу оҥорууларынан процессуальнай бэрэбиэркэлэри уонна холуобунай дьыалалары хонтуруолга тутар.

Дьокуускайга 1980 с.т. эр киһи доруобуйатыгар эмсэҕэлээһини оҥорбут уорбаланааччы биллибит.

Өрөспүүбүлүкэ киин куоратын уонна Мииринэй олохтоохторун түөкүттэр угаайыларыгар киллэрбиттэр. Түөкүттэр дьону албыннаан уопсайа 5,8 мөл. тахса солк. харчыны суйдаабыттар. 1957 с.т. саастаах дьахтар 3,5 мөл. тахса солк. харчытыттан (схемата — Энергосбыт, ФСБ, Госуслуга сымыйа үлэһиттэрэ) мэлийбит.

Дьокуускайга массыынаны уорбуттар, арыгы иһэн баран массыынаны хаттаан ыытыы чахчылара быһаарыллыбыт.

Хаҥаласка Уулаах Ааҥҥа Бырааттыы Герасимовтар уулуссаларыгар дьиэ умайбыт. Баһаары умулларан баран уокка былдьанан суорума суолламмыт 1965 с.т. дьахтар өлүгүн булбуттар.

Киһи өлүүлээх суол-тырааныспар саахала бэлиэтэммэтэх.

Арыгы иһэн баран массыынаны ыыппыт тоҕус киһи тутуллубут.

https://t.me/tprocsakha