Сэрэниҥ! Түөкүттэр араас албастара элбэх

Ааспыт сууккаҕа өрөспүүбүлүкэҕэ буруйу оҥоруу алта түбэлтэтэ бэлиэтэммит.  Борокуратуура буруйу оҥорууларынан процессуальнай бэрэбиэркэлэри уонна холуобунай дьыалалары хонтуруолга тутар.

Дьокуускайга Мархаҕа Газовиктар уулуссаларыгар баар дьиэттэн быһаҕынан анньыллыбыт 1991 с.т. эр киһи балыыһаҕа киирбит.  Сэбиэскэй Аармыйа 50 сыла уулуссатыгар баар дьиэттэн балыыһаҕа эмиэ быһаҕынан аньыллыбыт 1983 с.т. дьахтар киирбит. Уорбаланааччылар тутуллубуттар.

Айхал олохтооҕо, 1957 с.т. эр киһи түөкүттэр угаайыларыгар киирэн биэрэн, 112 600 солк. харчытыттан мэлийбит. Схемата — табаары атыылааһын. Дьокуускайга уонна Хаҥаласка уорууларынан сайабылыанньалар киирбиттэр.

Киһи өлүүлээх суол-тырааныспар быһылаана тахсыбатах.

Арыгы иһэн баран массыына ыыппыт биир киһи тутуллубут.

https://t.me/tprocsakha