Дьуһуурунай борокуруор: учууталтан 3,2 мөл. солк. уоруллубут

Саха сиригэр ааспыт сууккаҕа 10 буруйу оҥоруу бэлиэтэммит.

Дьокуускай куоракка халааһын түбэлтэтэ тахсыбыт, ону таһынан уоруу туһунан кэккэ сайабылыанньалар киирдилэр.

Киин куоракка уонна Алдан улууһугар түөкүннээһин түөрт чахчылара биллэрилиннэ, онно чуолаан киин куорат оскуолатын учууталыттан 3,2 мөл. солк. тахса суумалаах харчы уоруллубут. Алдан улууһугар массыына  күрэтиллибит, Уус Алдаҥҥа итирик туруктаах сылдьан суоппар уруулга иккиһин олорбут чахчыта бэлиэтэннэ.

Уус Маайаҕа сокуоннай сааһын ситэ илик оҕо быраабын утары буруйу оҥорууну  учуоттанна. Дьокуускай куоракка 2023 с.т. кыыс оҕо эмп-томп иһэн ыарахан туруктаах балыыһаҕа киирдэ. Сууккаҕа 2 баһаар тахсыбыт, өлбүт уонна эмсэҕэлээбит дьон суох. Өлүүлээх суол быһылаана регистрацияламматах. Итирик туруктаах сылдьан 6 суоппар тутуллан хаайылынна.