Дьуһуурунай борокуруор: уоруу, сүүйүүлээх оонньууну тэрийии

Ааспыт сууккаҕа өрөспүүбүлүкэҕэ буруйу оҥоруу 7 түбэлтэтэ бэлиэтэнэн, СӨ Борокуратууратын хонтуруолугар ылылынна.

Дьокуускай куоракка Дзержинскэй уулуссаҕа күүс өттүнэн икки сварочнай аппарааты былдьаан ылбыттарын туһунан сайабылыанньа киирбит.

Ленскэй куоракка суотабай төлөпүөнү уорбуттар.

Киин куоракка мэдиссиинискэй сиэстэрэттэн албыннаан 895 тыһ. солк. уорбуттар.

Өрөспүүбүлүкэ киинигэр сымыйа докумуоннары туттуу түбэлтэтэ таҕыста. Маны таһынан Авиационнай уулуссаҕа сокуону кэһэн туран, сүүйүүлээх оонньууну тэрийбиттэрэ билиннэ.