Дьуһуурунай борокуруор: уоруу, түөкүннээһин…

Ааспыт сууккаҕа Саха сиригэр  буруйу оҥоруу аҕыс түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай дьыалалары чинчийиини СӨ Борокуратууратын уорганнара хонтуруолга туталлар.

Дьокуускай куоракка тутулла турар дьиэттэн тутуу үнүстүрүмүөннэрин уордулар.

Биэнсийэлээх киһиттэн 235 тыһ. солк. уонна быраастан 178 400 солк. түөкүннээн уоруунан холуобунай дьыалалар тэрилиннилэр. Ол курдук туһааннаах дьоҥҥо  «Госуслуги», ФСБ сымыйа үлэһиттэрин аатыттан эрийбиттэр.

Аллайыаха оройуонугар  сокуону кэһэн сааны-саадаҕы харайыы, Бүлүү улууһугар   суоппар сымыйа быраабын туһаныы, Ленскэй оройуонугар арыгы иһэн баран хат уруулга олоруу, Нерюнгри куоракка  контрафактнай  3 тыһыынча устуука табахтыыр тэрили  (курительные устройства) уонна никотиннаах убаҕаһы  харайыы түбэлтэлэрэ бэлиэтэммит.