Дьуһуурунай борокуруор: Үөһээ Бүлүүгэ электросамокаттаах 6 кылаас үөрэнээччитэ  массыынаҕа киирэн биэрдэ

Ааспыт сууккаҕа Саха сиригэр 5 буруйу оҥоруу бэлиэтэммит. Нерюнгри куоракка түөкүттэргэ албыннатан 450 тыһ. солк. тахса суумалаах харчы уоруллубутун туһунан иһитиннэрии киирдэ. Бу туһунан СӨ Борокуратууратын пресс-сулууспата суруйар.

Киин куоракка наркотигы сокуоннайа суох эргинии тохтотуллубут, ону кытта иккиһин итирик туруктаах сылдьан уруулга олорбут суоппар тутулунна.

Мэҥэ Хаҥалас улууһугар икки эр киһи саһархай өҥнөөх тимири, айылҕа таастарын, таас боруодалары илдьэ сылдьан тутулуннулар, билигин бэрэбиэркэ ыытыллар.

Үөһээ Бүлүү улууһугар электросамокаттаах 6 кылаас үөрэнээччитэ  массыынаҕа киирэн биэрэн балыыһаҕа киирдэ. Суукка иһигэр барыта 16 суоппар итирик туруктаах сылдьан тутулунна.