Дьуһуурунай борокуруор: үс киһи түөкүттэр угаайыларыгар киирэн биэрбит

Ааспыт сууккаҕа буруйу оҥоруу 4 түбэлтэтэ бэлиэтэнэн, СӨ Борокуратууратын хонтуруолугар киирдэ.

Дьокуускай үс олохтооҕо түөкүттэргэ албыннатан 1,6 мөл. солк. харчыларыттан мэлийбиттэр. Түөкүттэр, буоларын курдук, «суотабай сибээс оператора», «Росфинмониторинг үлэһитэ» аатыраннар уонна «инвестициянан» албыннаан дьон харчытын суйдаабыттар. Оттон Бүлүүгэ массыынаны уоран илдьэ барбыттар.

Киһи өлүүлээх суол-тырааныспар быһылаана бэлиэтэммэтэх.

Арыгы иһэн баран массыынаны ыыппыт аҕыс киһи тутуллубут.