Дьуһуурунай борокурурор: Баһаар, уоруу уонна сымыйа докумуону туһаныы

Саха сиригэр ааспыт сууккаҕа сэттэ буруйу оҥоруу бэлиэтэммит. Бу туһунан баскыһыанньа сарсыарда СӨ Борокуратууратын пресс-сулууспата иһитиннэрэр.

Ньурбаҕа Кыайыы 40 сыла уулуссаҕа икки этээстээх чааһынай дьиэ умайбыт. Баһаар түмүгэр дьиэ уокка былдьаммыт. Баһаар түмүгүнэн 1990 сыллаах төрүөх эр киһи  балыыһаҕа киирбит.

Дьокуускай куорат Марха ттүөлбэҕэ бэлисипиэти уорбуттар, оттон Хатас сэлиэнньэтигэр — тутуу тэриллэрин.

Дьокуускайга уонна Үөһээ Бүлүү улууһугар итирик туруктаах сылдьан иккиһин итирик туруктаах уруулга олорбут суоппардар тутулуннулар, оттон Дьокуускайга — сымыйа докумуону туһаныы түбэлтэтэ бэлиэтэммит.

Суукка устатыгар киһи өлүүлээх суол быһылаана тахсыбатах, 25 итирик туруктаах суоппар тутуллубут.