Дьуһуурунай борокуруор: Түөкүттэр 6 мөл. солк. уордулар
![](https://sakha-sire.ru/wp-content/uploads/2024/05/borokuratuura-900x596.jpg)
Саха сиригэр ааспыт сууккаҕа буруйу оҥоруу 6 түбэлтэтэ регистрацияланна.
СӨ Борокуратууратын иһитиннэриитинэн, Ленскэй оройуонугар дьахтары өлөрүү чахчытынан холуобунай дьыала тэрилиннэ, 1969 с.т. эр киһи уорбаланааччы тутулунна.
Дьокуускай куоракка уоруу тахсыбыта регистрацияланна. Дьокуускай уонна Нерюнгри олохтоохторуттан түөкүттэр албыннаан 6 мөл. солк. уордулар. Хаҥалас улууһугар булт саатын сокуоннайа суох харайыы чахчыта быһаарылынна.
Дьокуускай куоракка 2022 с.т. оҕо итии ууга буһан балыыһаҕа киирдэ. Сууккаҕа 11 баһаар тахсыбыта бэлиэтэннэ, киһи өлүүлээх уонна эмсэҕэлээбит түбэлтэ тахсыбата.
Уус Алдаҥҥа Үс Күөл нэһилиэктэн 1 км тэйиччи 2003 с.т. суоппар матасыыкылынан итирик туруктаах сылдьан суолтан туораата. Саахал түмүгэр 24 саастаах ыччат балыыһаҕа киирдэ. Сууккаҕа барыта 12 суоппар итирик туруктаах сылдьан тутулунна.
Сообщить об опечатке
Текст, который будет отправлен нашим редакторам: