Ил Дарханын уонна Бырабыыталыстыбатын пресс-сулууспата
СӨ Бырабыыталыстыбатын бэрэссэдээтэлин бастакы солбуйааччыта Дьулустаан Борисов «Газпромнефть- Заполярье» хампаанньа бэрэстэбиитэллэрин кытта оробуочай сүбэ мунньаҕы ыытта.
Көрсүһүү кыттыылаахтара «Бүлүү» суол уонна «Муухтуйа» эрэгийиэннээҕи суол өрөмүөнүн уонна хааччыллыытын тула боппуруостары дьүүллэстилэр.
«Газпромнефть» сири оҥоруу уонна туһаныы операторынан буолар.
Мунньах кыттыылаахтара маны сэргэ «Бүлүү» федеральнай суол уонна «Мухтуйа» суол өрөмүөннэрин уонна тутуутун боппуруостарын дьүүллэстилэр. «Газпромнефть- Заполярье» хампаанньа хапытаалынай тутууга дириэктэрэ Владимир Беляков иһитиннэрбитинэн, быйылгы сылга салгыы үлэ ыытыллара былааннанар.
Мунньах бэбиэскэтигэр сүҥкэн суолталаах миэстэни сир баайын уонна ойуур учаастактарын карьердарын туһаныыга көҥүллүүр докумуоннары оҥотторууну судургутутуу буолла. Хампааньа бэрэстэбиитэллэрэ наадалаах докумуоннары ылыы олус элбэх бириэмэни ыларын бэлиэтээтилэр — 7- тэн 9 ыйга диэри, онон болдьоҕун 3-4 ыйга диэри кыччатарга этии киллэрдилэр. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.
Маны таһынан, ньиэби таһыыга, логистиканы уонна инфраструктураны саҥардыыга бииргэ үлэлээһини кэҥэтиигэ дьүүллэстилэр. Көрсүһүү түмүгүнэн Санкт-Петербург куоракка норуоттар икки ардыларынааҥы Экэнэмиичэскэй пуорумҥа илии баттаһарга стратегическай суолталаах сөбүлэһиини бэлэмниир туһунан быһаарыы ылылынна.
Хараҥа хоско ыарахан ыарыыга ылларан өлөөрү сытар ийэлэрэ алта кырачаан оҕотуттан -- уонуттан эрэ тахсыбыт…
Бүгүн, атырдьах ыйын 8 күнүгэр, 17 чааска 112 нүөмэргэ дьахталлар тыаҕа муммуттарын туһунан бэйэлэрэ эрийэн…
2 №-дээх Өрөспүүбүлүкэтээҕи балыыһа – Суһал мэдиссииниэскэй көмө киинин көһө сылдьар хирургиятын киинэ атырдьах ыйын…
Саха сирин олохтоохторо кылгас сайыҥҥа үүннэрбит оҕуруоппут аһын күһүн хойукка диэри сибиэһэйдии хаһаанарга кыһанабыт. Бүгүн…
Тутааччы күнүн көрсө РФ Тутууга уонна ОДьКХ министиэристибэтигэр ахсыс төгүлүн ыытыллыбыт "Спроси строителя -2025" куонкурус…
Дьокуускайга «Профмаршрут: Старт карьеры» диэн орто үөрэх кыһаларыгар докумуоннары туттарыы күнэ ыытылынна. 33 колледж уонна…