Хаартыска: sakha.gov.ru
Саха сирин бастакы вице-премьерэ Дьулустаан Борисов 2023 сыл түмүгүнэн Саха сиригэр 739,5 млрд солк. сүрүн хапытаалга инвестиция рекордтаах кээмэйэ киллэриллибитин бэлиэтээтэ.
Кини бу Уһук Илиҥҥэ уонна Арассыыйа Арктика зонатыгар дойду Бырабыыталыстыбатын өйөбүллэрин олоххо киллэриилэрин түмүгэр ситиһилиннэ диэтэ.
«Госдумаҕа премьер-миниистир Михаил Мишустин Уһук Илин эрэгийиэннэрин экэниэмикэтигэр уонна социальнай эйгэтигэр былырыын барыта 3 триллион солкуобайтан тахса үп-харчы угуллубутун иһитиннэрдэ. Саха сирэ – Уһук Илин уокурукка көхтөөх инвестиционнай лидерэ. Ааспыт сылга сүрүн хапытаалга инвестиция тардыллыбыт кээмэйин рекордун 739,5 млрд солк. саҥардыбыппыт», — диэн бэлиэтээтэ Дьулустаан Борисов.
РФ Бырабыыталыстыбата Госдумаҕа сыл ахсын ыытар отчуотун кэмигэр Михаил Мишустин Уһук Илин уокурукка чааһынай үбү-харчыны тардыыга араас ньымалар туттуллалларын бэлиэтээтэ, ол курдук, урутаан сайдар территориялара, Владивостокка көҥүл пуорда үлэлииллэр. Ону сэргэ Уһук Илиҥҥи концессия», «Бэрэсидьиэн субсидията», «Уһук Илиҥҥи гектар», «Уһук Илиҥҥи кыбартаал» курдук мэхэньииһимнэр үлэлииллэр.
«Саха сиригэ урутаан сайдар икки территориялаах – бэйэлэрин резиденнэригэр аналлаах туспа эрэһиимнээх экэнэмиичэскэй зоналардаах. Бу «Якутия» уонна «Южная Якутия» урутаан сайдар икки территориялара. Онно барыта 71 резидент регистрацияламмыт, ол иһигэр 16 саҥа резидент 2023 сылга баар буолбуттара. Урутаан сайдар территориялар эрэһиимнэрин дьайыытынан, Саха сиригэр 9,6 тыһыынча кэриҥэ саҥа үлэ миэстэтэ тахсыбыта», — диэн быһаарда Дьулустаан Борисов.
СӨ Ил Дарханын уонна Бырабыыталыстыбатын пресс-сулууспата
Өлүөнэ өрүскэ муус хойуутук устан Дьокуускай, Нам, Мэҥэ Хаҥалас оройуоннарынан ааһар. Уу таһыма Кангаласс микро-оройуонугар…
Бүгүн Ил Дархан Айсен Николаев Арассыыйа-Кытай ЭКСПО-ҕа РФ бэрэсидьиэнэ Владимир Путиҥҥа уонна Кытай норуодунай өрөспүүбүлүкэтин…
Ыам ыйын 18 күнүгэр Түмэллэр аан дойдутааҕы күннэрэ бэлиэтэнэр. Бу күнү көрсө Саха сирин түмэллэрэ…
Тарас Тарасов-Тускул ыам ыйын 18-23 күннэригэр Саха сиригэр хайдах күн-дьыл буоларын анаарда диэн "Саха" НКИХ…
Дьокуускайга дьиэҕэ ас тиэрдэр өҥөнү оҥорор тэрилтэҕэ бэҕэһээ, ыам ыйын 16 күнүгэр, травматическай бэстилиэтинэн ытыалаһыы…
"Кобяец" диэн позывнойдаах Саха сирин байыаһа эксклюзивнай интервьютун көрүҥ: https://youtu.be/0NhGRmtQMDU?si=0JJqSb7vfbD_itO1