Хаартыска sakha.gov.ru ылылынна
Бэҕэһээ Дьокуускайга Саха сирин Волейболга Федерациятын уочарата суох киэҥ ыҥырыылаах мунньаҕа буолла.
Мунньахха Федерация бэрэссэдээтэлин Янис Ефремов, хонтуруоллуур-ревизиялыыр хамыыһыйа бэрэссэдээтэлин Виктория Максимова отчуоттарын иһиттилэр. Мунньах түмүгүнэн СӨ Волейболга федерациятын Кэтээн көрөр сэбиэтин тэрийэр туһунан быһаарыы ылыннылар.
Кэтээн көрөр сэбиэт сүрүннүүр уонна хонтуруоллуур оруолу сүгүөҕэ, өрөспүүбүлүкэҕэ волейболу стратегическайдык сайыннарыыны торумнуоҕа, федерация үлэтин үп өттүнэн туруктаах буолуутун хааччыйыаҕа.
Сэбиэт бэрэссэдээтэлинэн Саха сирин Бырабыыталыстыбатын Бэрэссэдээтэлин бастакы солбуйааччы Дьулустаан Борисов талылынна. Бэйэтин тыл этиитигэр кини өрөспүүбүлүкэҕэ волейболу салгыы сайыннарыы наадалааҕын бэлиэтээтэ.
Киэҥ ыҥырыылаах мунньахха СӨ физическэй култуураҕа уонна успуорка миниистирин бастакы солбуйааччы Александр Бугаев, Чурапчытааҕы институт бэрэсидьиэнэ Михаил Гуляев, ФКиМС управлениетын начаалынньыга Роман Оконешников, «Азия оҕолоро» норуоттар икки ардыларынааҕы успуорт оонньууларын обургу оҕолор сүүмэрдэммит хамаандаларын ыстаарсай тириэньэрэ Айсен Жерготов, СӨ Волейболга федерациятын толорооччу дириэктэрэ Афанасий Сивцев кытыннылар.
СӨ Ил Дарханын уонна Бырабыыталыстыбатын пресс-сулууспата
Үс сыл анараа өттүгэр, 2023 сыл олунньу 7 күнүгэр, СӨ Ил Дархана Айсен Николаев «Бастакылар…
Саха төрүт аһын харыстааһын уонна сайыннарыы боппуруоһа билигин өрөспүүбүлүкэҕэ күүскэ дьүүллэһиллэр. Маннык үлэни СӨ Баһылыгын…
Бүлүү бөлөх улуустарыгар уотунан сылыттынан олорор олохтоохтор тус счеттарыгар, төлүүллэрин саҕана, икки бүк үрдүк сыана…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Биэрэккэ" кэпсээнин истиҥ.
СӨ Бырабыыталыстыбатын Бэрэссэдээтэлин солбуйааччы Ольга Балабкина салайааччылаах бырабыыталыстыба бөлөҕө бөлөхтөргө арахсан, олунньу 5-6 күннэригэр Горнай…
…Киин куорат олохтооҕо Ньургун, син эмиэ сорох эдэр дьон курдук, туох да кыһалҕата суох пицца…