sakha.gov.ru
Саха Өрөспүүбүлүкэтин Бырабыыталыстыбатын бэрэссэдээтэлин бастакы солбуйааччыта Дьулустаан Борисов өрөспүүбүлүкэтээҕи волейболга федерациятын 2026 сыл саҕаланыытыгар тэриллибит Кэтээн көрөр сүбэтин мунньаҕын ыытта.
Мунньахха Кэтээн көрөр сүбэ чилиэннэрэ, Волейбол федерациятын партнердара — ОКТО бөлөх дириэктэрдэрин сэбиэтин бэрэссэдээтэлэ Алексей Толоконников, «Селигдар» ПАУо генеральнай дириэктэрин бастакы солбуйааччыта Константин Соколов, «Динамо» (Москва) волейбол кулуубун бэрэсидьиэнин сүбэһитэ Вячеслав Ротавчиков уонна Саха сиринээҕи волейбол федерациятын президиумун бэрэссэдээтэлэ Владимир Чичигинаров кытыннылар.
Мунньах кыттыылаахтара 2026 сыллааҕы бүддьүөтү бигэргэттилэр уонна Саха сиригэр волейболу сайыннарыыга этиилэри дьүүллэстилэр.
Дьыалабыай эйгэ бэрэстэбиитэллэрэ Дьокуускайга Волейбол киинин тутар санааны өйөөтүлэр уонна эбийиэк бырайыактыыр-сметалыыр докумуоннарын оҥорорго этии киллэрдилэр.
Дьулустаан Борисов мунньах түмүгүн таһааран, 2026 сылга Саха сиригэр волейболу сайыннарыы стратегията, Волейбол киинин тутуу бырайыактыыр-сметалыыр докумуона оҥоһуллуоҕун, пляжнай волейболу сайыннарыыга өйөбүлгэ наадалаах миэрэлэр ылыллыахтарын бэлиэтээтэ.
«Федерация чугастааҕы сыала – Үрдүкү лигэ турнирдарыгар уонна Арассыыйа Федерациятын чөмпүйэнээттэригэр кыттар өрөспүүбүлүкэтээҕи кулууптары тэрийии», – диэтэ кини.
Өрөспүүбүлүкэ бастакы вице-премьерэ Дьулустаан Борисов Алексей Толоконниковка, Константин Бейритка уонна Вячеслав Ротавчиковка саха волейболун өйүүллэрин иһин тус махталын тириэртэ.
2024 сыллаахха “Саха сирэ” хаһыакка мунньуллар биэнсийэ туһунан сиһилии суруйан турабын. Ол эрээри, 2025 сылтан…
Саха сиринээҕи Гидрометеосулууспа саайта иһитиннэрбитинэн, бүгүн, олунньу 7 күнүгэр, Саха сирин үрдүнэн кыра хаар түһэрэ…
Субуота – Сатурн салайар күнэ. Бу күн ыксааһыны, ыгылыйыыны сөбүлээбэт. Барытын толкуйдаан, тиһэҕэр тиэрдэр ирдэнэр.…
Мэҥэ Хаҥалас улууһугар Олохтоох бэйэ оҥорон таһаарыы сылын чэрчитинэн, Майа сэлиэнньэтигэр бүгүн «Төрүччү» сылын түмүктүүр…
Саха сиригэр "Мобильнай хирургическай киин" инновационнай бырайыагы олоххо киллэрии салҕанар. Бырайыак Ил Дархан Айсен Николаев…
Түөкүттэртэн дьону быыһаабыт баан үлэһиттэрин наҕараадалаатылар. Ол курдук Арассыыйа баанын салаатыгар саамай болҕомтолоох, эппиэтинэстээх үлэһиттэр…