Хаартыска: sakha.gov.ru саайтан.
СӨ бастакы вице-премьерэ Дьулустаан Борисов “Сюань Юань” норуоттар икки ардыларынааҕы корпорация толорооччу дириэктэрин тойон Сюэ Хайлуннуун кэпсэттэ диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.
Дьүүллэһии биир сүрүн тиэмэтинэн Нерюнгри-Сковородино-Рейново норуоттар икки ардыларынааҕы тырааныспар-логистическай саҥа көрүдүөрүн оҥоруу буолла. «Джалинда-Мохэ» булкаас киллэрэр-таһаарар пуун үлэтин сөргүтүү уонна 68 км уһуннаах Сковородино-Рейново тимир суол учаастагын уларытан оҥоруу былааннанар. Бүгүн бырайыагы “Саха сирин тимир суоллара” АХ олоххо киллэрэ сылдьар. Бастакы түһүмэххэ Амур өрүс нөҥүө понтоннай муостанан 2 мөл. туоннаҕа диэри таас чоҕу тиэйии кыаллыан сөп.
“Биһиги бүгүн бу бырайыагы олоххо киллэриинэн дьарыктана сылдьабыт. Бу Саха сириттэн Кытайга тиийэр саамай кылгас суол. Саха сирин соҕуруутугар баар бырамыысыланнай тэрилтэлэр Кытайга бииргэ үлэлэһэр дьоммутугар чох бородууксуйатын таһаарарга интэриэстэрэ улахан”, — диэтэ Дьулустаан Борисов.
Тойон Сюэ Хайлун биһиги өрөспүүбүлүкэбитин уонна Хэйлунцзян провинцияны кытта экэнэмиичэскэй ситими бөҕөргөтүүгэ «Джалинда-Мохэ» оройуонунан тырааныспар быһа сылдьар суолун оҥоруу стратегическай сыал буолар диэн бигэргэттэ.
СӨ бастакы вице-премьерэ Мэҥэ Хаҥалас улууһугар “СПГ” ХЭУо үлэлэтэ турар собуотун кытта кэккэлэһэ сылга 500 тыһ. туоннаҕа тиийэ ыгыылаах гааһы оҥорор собуот уонна Булуҥ улууһун Найба сэлиэнньэтигэр дириҥ уулаах пуорт тутуллуохтаах бырайыактарын көрдөрдө.
Кытай хампаанньатын бэрэстэбиитэлэ Кытай сиригэр ыгыллыбыт айылҕа гааһын туттарыыны интэриэһиргээтэ.
“Биһиги Саха сиригэр баар бырайыактарга харчы угуохпутун, өрөспүүбүлүкэ салалтатын кытта хардарыта үлэлиэхпитин баҕарбыппыт ыраатта. Эбиитин Саха сирэ уонна Хэйлунцзян провинцията доҕордуу, бииргэ үлэлиир сыһыаннаахтар. Сылтан сыл Арассыыйа уонна Кытай атыы-экэнэмиичэскэй бииргэ үлэлиир таһымнарын үрдэтэн иһэллэр”, — диэн бэйэтин санаатын эттэ тойон Сюэ Хайлун.
Дьулустаан Борисов Саха сирин сиригэр-уотугар холбоһуктаах бырайыактары олоххо киллэриинэн дьарыктанар салайар хампаанньаны тэрийэр наадалааҕын ыйда.
Көрсүһүү устатыгар өссө холбоһуктаах биофармацевтика билим-чинчийэр институтун тэрийэргэ хардарыта үлэлэһэр боппуруостары көрдүлэр.
Быйыл, сэтинньи бүтүүтэ, биһиги Саха сирин суруйааччыларын айар сойуустарын 90 сылын бэлиэтиэхпит. Бу 90 сылтан…
Е.М.Примаков аатынан гимназияҕа Бүтүн Арассыыйатааҕы төрөппүт кэмитиэтин иккис мунньаҕа буолан ааспыт. Тэрээһин кэмигэр төрөппүттэр холбоһуктарын…
Айсен Николаев Москваҕа сылдьан Тырааныспар нэдиэлэтигэр үлэ түмүктэрин таһаарда. Бу Арассыыйаҕа суол-иис салаатыгар сүрүн дьыалабыай…
Айсен Николаев РФ федеральнай суол-иис ааҕыныстыбатын салайааччыта Роман Новиковтыын көрүстэ. Кинилэр өрөспүүбүлүкэ тырааныспарга инфраструктуратын сайдыытын…
Саха сирин успуорка уонна физическэй култуураҕа миниистирэ Леонид Спиридонов Арассыыйа спортивнай тустууга федерациятын вице-бэрэсидьиэнинэн талылынна…
Ааспыт сууккаҕа Саха сиригэр икки буруйу оҥоруу буолбутун СӨ Борокуратуурата иһитиннэрэр. Дьокуускай олохтооҕо түөкүттэргэ 3,5…