Дьулустаан Борисов тыыл бэтэрээннэригэр Улуу Кыайыы 80 сылынан мэтээллэри туттарда

СӨ Бырабыыталыстыбатын Бэрэссэдээтэлин бастакы солбуйааччы Дьулустаан Борисов бүгүн, олунньу 21 күнүгэр, Үөһээ Бүлүүгэ ситэриилээх былаас уорганнарын көһө сылдьар отчуотун кэмигэр тыыл бэтэрээннэрэ Мария Тимофеевна Иванова, Мария Павловна Попова уонна Екатерина Егоровна Лукина «1941-1945 сс. Аҕа дойду Улуу сэриитигэр Кыайыы 80 сыла» үбүлүөйдээх мэтээллэри туттарда.

Бастакы вице-премьер Ил Дархан сорудаҕынан мэтээллэри туттарыы кэмигэр, кэлэр көлүөнэлэр эйэлээх кэскилин туһугар турууласпыт дьон туһунан өйдөбүллэр махталлаах дьон сүрэҕэр өрүү хааларын бэлиэтээтэ.
Дьулустаан Борисов бэтэрээннэри эҕэрдэлээтэ уонна кинилэргэ өр сыллаах олоҕу баҕарда.

Санатан эттэххэ, билигин Саха сиригэр Аҕа дойду Улуу сэриитин 9 кыттыылаахтара, Ленинград блокадниктара уонна концлааҕырдар урукку хаайыылаахтара, балтараа тыһыынча кэриҥэ тыыл бэтэрээннэрэ олороллор. Кинилэр бары Арассыыйа Бэрэсидьиэнэ Владимир Путин 2024 сыл балаҕан ыйын 2 күнүгэр бигэргэппит «1941-1945 сс. Аҕа дойду Улуу сэриитигэр Кыайыы 80 сыла» мэтээлинэн наҕараадаланыахтара.