Хаартыска: sakha.gov.ru
«Азия оҕолоро» норуоттар икки ардыларынааҕы спортивнай оонньуулары көрөс Саха сирин Бырабыыталыстыбытан бастакы вице-премьерэ, СӨ волейболга Федерациятын Сэбиэтин бэрэссэдээтэлэ Дьулустаан Борисов волейболга Саха сирин сүүмэрдэммит хамаандатыгар спортивнай кроссовка кэмпилиэгин туттарда.
Дьулустаан Борисов «Азия оҕолоро» оонньууларга уолаттар хамаандатыгар ситиһиилэри баҕарда. Кини эдэр спортсменнар күрэхтэһиигэ Саха сирин чиээһин ситиһиилээхтик көмүскүөхтэрэ диэн эрэлин биллэрдэ.
«Волеболга улахан ситиһиилэри дабайар эдэр спортсменнарбытынан киэн туттабын. Бу волейбол кроссовкатын кэмпилиэгэ — биһиги өйөбүлбүтүн уонна эһиги ситиһиигитигэр эрэлбитин көрдөрөр бэлиэтэ. Эһиги – успуорка биһиги инники кэскилбит. Төрөөбүт сиргит түһүлгэтигэр аан дойду таһымнаах күрэххэ күүскүтүн, тулуургутун, түмсүүгүтүн бары өттүнэн көрдөрүөххүт диэн эрэнэбин. Үрдүк ситиһиилэри! Бэйэҕэр итэҕэйиҥ!»,- диэн Дьулустан Борисов спорстмен уолаттары алҕаата.
Волейболга Саха сирин сүүмэрдэммит хамаандата 15-16 саастаах 12 спортсментан турар.Тириэньэринэн Айсен Жерготов буолар. Оҕолор Дьокуускай, Нам, Чурапчы, Амма, Таатта, Сунтаар, Эдьигээн улуустарыттан түмүстүлэр.
Бу иннинэ ыам ыйыгар Саха сирин хамаандата Аҕа дойду Улуу сэриитин Кыайыытын 79 сылыгар анаммыт волейболга норуоттар икки ардыларынааҕы турнирга кыайыыны ситиспитэ. Бу хамаанда 2024 сыл кулун тутар ыйыгар Саха сиригэр Уһук Илин уокурук чөмпүйэнээтиттэн үрүҥ көмүс мэтээли аҕалбыта.
Маны таһынан спортивнай атах таҥаһа волейболга кыргыттар хамаандатыгар атыылаһыллыбыта. Бүгүҥҥү күҥҥэ хамаанда Чурапчыга сүүмэрдээһиҥҥэ сылдьар.
Дойду Бэрэсидьиэнэ Владимир Путин сылы түмүктүүр быһа эпиирэ буолан ааста, олох бары салаата хабылынна. Бүтүн…
Ил Дархан Айсен Николаев Арассыыйа Бэрэсидьиэнэ Владимир Путин пресс-кэмпириэнсийэтигэр Саха сирин суруналыыстарын кыттыытын туһунан санаатын…
Быһылаан Дьокуускайга ахсынньы 20 күнүгэр сарсыарда эрдэ буолбут. Эрдэҕэс саастаах оҕолор икки билбэт киһилэрин кырбаабыттар.…
2025 сыл бүтэһик нэдиэлэтэ икки эрэ үлэ күннээх, ол кэнниттэн Арассыыйа олохтоохторун саҥа дьыллааҕы сынньалаҥ…
Саҥа дьылга бэлэмнэнэн сотору Саха сирин олохтоохторо мандарины атыылаһыахтара. Мандарины атыылаһаргытыгар сирийэн көрүҥ. Өскөтүн мандарин…
Энэргиэтиктэр күннэринэн быйыл тэриллибиттэрэ 60 сылын туолбут “Якутскэнерго” ПАУо Киин элэктэриичэскэй ситимнэрин салайааччыта Петр Гаврильевич…