Дьулустаан Хон СӨ экологияҕа миниистирин 1-кы солбуйааччынан ананна

Ил Дархан Айсен Николаев бүгүҥҥү ыйааҕынан  Дьулустаан Хон  СӨ   экологияҕа, айылҕаны туһаныыга уонна ойуур хаһаайыстыбатын миниистирин 1-кы солбуйааччытынан ананна. 

Дьулустаан Хон үрдүк үөрэхтээх.  1999 сыллаахха СГУ-ну үөрэнэн бүтэрбитэ. Идэтинэн эколог-биолог уонна экэнэмиис.  Үөрэҕин бүтэрэн баран,  «СахаНИИгипрозем» ГУП-ка инженер-геоботанигынан үлэтин саҕалаабыта.

— 2002 сыл ыам ыйыттан  СӨ Айылҕа харыстабылын министиэристибэтигэр  экэниэмикэ, үп отделыгар исписэлииһинэн үлэлээбитэ.

— 2005 сылтан  Экэниэмикэ министиэристибэтигэр АПК уонна атыыны-тутууну  регулировкалыыр департамеҥҥа исписэлииһинэн үлэлээбитэ.

— 2013 сыллаахха СӨ  Ил Дарханын дьаһалтатыгар  СӨ Бырабыыталыстыбатын  Бэрэссэдээтэлин  солбуйааччытын сэкирэтэрийээтин  салайааччытынан  үлэлээбитэ.

— 2018 сылтан  «Якутлесресурс» ГАУ генеральнай дириэктэринэн таһаарыылаахтык үлэлээтэ.