Хаартыска -- СӨ Аҕа баһылыгын уонна бырабыыталыстыбатын пресс-сулууспата
Саха Өрөспүүбүлүкэтин Бэрэссэдээтэлин бастакы солбуйааччы Дьулустан Борисов «Сюань Юань» (XY Group) Кытай хампаанньатын бэрэстэбиитэллэрин – тас экэниэмикэҕэ бииргэ үлэлээһиҥҥэ генеральнай дириэктэри солбуйааччы Цзяо Цзяны уонна энергетическэй бырайыактарга генеральнай дириэктэри солбуйааччы Лю Юньпэни кытта көрүстэ.
Көрсүһүү кэмигэр өрүттэр бииргэ үлэлээһин кэккэ хайысхаларын дьүүллэстилэр.
— Саха сирэ Арассыыйа биир тутаах минеральнай-сырьевой уонна хайаттан хостонор баайдаах эрэгийэннэриттэн биирдэстэрэ буолан, алмааһы, көмүһү, сурьманы хостооһуҥҥа Российскай Федерацияҕа инники күөҥҥэ сылдьар. Бэйэ туһаныытыгар уонна таска таһаарыыга сыалламмыт чоҕу, ньиэби, айылҕа гааһын, платинаны уонна да атын сиртэн хостонор баайы хостооһун тэтимнээхтик барар. Саха сирэ айылҕа ресурсаларын бары көрүҥнэрин уопсай саппааһын рейтининэн дойдуга бастакы миэстэни ылар. Кытай тас эргиэн партнера буоларынан, 2023 сылга Саха сирин тас эргиэнин кээмэйэ 2,6 млрд дуолларга тэҥнэспитэ, — диэн бэлиэтээтэ көрсүһүүгэ Дьулустан Борисов.
Тас экэниэмикэҕэ бииргэ үлэлээһин генеральнай дириэктэрин бастакы солбуйааччы Цзяо Цзянь номнуо олоххо киллэриллибит уонна былааннаммыт бырайыактары, ол иһигэр Амур уобалаһыгар индустриальнай паарк бырайыагын, Еврейскэй автономнай уобаласка тимир суол “трансграничнай перевалочнай комплексын” тутуу, Приморскай кыраайга эмтээх үүнээйилэри үүннэрии баазатын тэрийэр туһунан сырдатта.
Цзяо Цзянь корпорация Саха сиригэр холбоһуктаах биотехнология научнай-чинчийэр институтун тэрийии туһунан толкуй баарын, Харбин куоракка Саха сирин бэрэстэбиитэлистибэтин тэрийэр наадатын туһунан этии киллэрдэ. Кини этэринэн, бу Саха сирэ уонна Хэйлунцзян провинцията бииргэ үлэлээһиннэрин салгыы сайыннарыыга төһүү өйөбүлүнэн буолуоҕа.
СӨ экэниэмикэтин миниистирэ Петр Попов Саха сирин партнердарыгар тырааныспар уонна логистика, бырамыысыланнас уонна туризм курдук салааларга өрөспүүбүлүкэ инвестиционнай бырайыактарын билиһиннэрдэ.
Оробуочай көрсүһүү чэрчитинэн «Сюань Юань» (XY Group) уонна хотугу эрэгийиэннэр норуоттар икки ардыларынааҕы “Хотугу форум” тэрилтэлэрин кытта бииргэ үлэлээһиҥҥэ сөбүлэҥ түһэристилэр.
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…