Хаартыска СӨ Баһылыгын уонна Бырабыыталыстыбатын пресс-сулууспатыттан
Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дьулустаан Борисов РФ субъектарыгар инвестиционнай килиимэт туругун национальнай рейтинин түмүгүнэн СӨ Урбаанньытарын бырааптарын көмүскүүр боломуочунайа Альбина Кычкина кыттыылаах миниистирдэр кэбиниэттэрин чилиэннэрин, өрөспүүбүлүкэ министиэристибэлэрин салайааччыларын кытта сүбэ мунньаҕы ыытта.
Бу туһунан СӨ Баһылыгын уонна Бырабыыталыстыбатын пресс-сулууспата иһитиннэрэр.
«Ил Дархан Айсен Николаев 2025 сылга Российскай Федерация субъектарын инвестиционнай килиимэттэрин туругун национальнай рейтинигэр 10-с миэстэни ситиһэргэ быһаарыыны ылынна», — диэн Дьулустаан Борисов эттэ.
«Өрөспүүбүлүкэҕэ биисинэһи өйүүр араас хабааннаах дьаһаллар ылыллаллар. Ону Саха сиригэр урбаан сайдарыгар олоххо киллэриэххэ наада. Бу биисинэһи аһарга, үлэлииргэ уонна сайыннарарга көмөлөөх буолуоҕа», — диэтэ Бырабыыталыстыба бэрэссэдээтэлин бастакы солбуйааччы.
Мунньах түмүгүнэн, Дьулустаан Борисов Национальнай рейтин көрдөрүүлэрин ситиһэргэ бырабыыталыстыба чилиэннэригэр тус эппиэтинэһи сүктэрэр туһунан сорудахтаата.
«Ил Дархан туруорбут соругун толорор сыалтан, Национальнай рейтин хас биирдии көрдөрүүтүн тупсарыыга атырдьах ыйын бүтүөр диэри тэрээһин былаанын оҥорон бигэргэтиэхпит», – диэтэ Дьулустаан Борисов.
Санатан эттэххэ, 2024 сылга Саха сирэ инвестиционнай килиимэт туругун рейтинигэр Арассыыйа субъектарын ортотугар 14 миэстэни ылбыта.
“Ежевика тымырдары бөҕөргөтөр кыахтаах. Састаабыгар С битэмиини уонна антиоксиданнары булуохха сөп”, - диэн диетолог, терапевт-быраас…
Горнай улууһун Бэрдьигэстээх сэлиэнньэтигэр түөлбэлэр бэрт көхтөөх үлэни ыыталлар. "Сардаҥа" түөлбэ актыыба иһитиннэрбитинэн, "Бастыҥ уопсастыбаннай…
Полицейскайдар уопсайа 14 мөл. солк. суумалаах 2,5 киилэ ыйааһыннаах кыһыл көмүһү лицензията суох сууйбут икки …
Бүгүн, балаҕан ыйын 3 күнүгэр, «Мындыр саас - көхтөөх уһун үйэлэнии» бырайыак чэрчитинэн, Мэҥэ Хаҥалас…
Тэрилтэ дьоно үлэни биэрээччи уонна бэйэтин быраабын ситэри билбэтэ баар буолар. Ол да иһин, тустаах…
Күһүн үгэнэ — балаҕан ыйын 14 күнүттэн балаҕан ыйын 25 күнүгэр диэри, барыта 11 күн.…