Хаартыска "Дьулуур" XIV спартакиада архыыбыттан
«Дьулуур» адаптивнай успуорт XV төгүлүн ыытыллар спартакиадата Дьокуускайга 2026 сыл бэс ыйын 16-19 күннэригэр былааннанар.
Күрэхтэһиигэ улуустартан, куораттартан барыта 900 киһи хабыллыа диэн иһитиннэрэллэр. Кинилэр ортолоругар байыаннай дьайыы кыттыылаахтара баар буолуохтара. Спартакиаданы бастаан Бүлүүгэ ыытарга былааннаан тураллар.
Ол гынан баран, спартакиада ыытыллар сирин уларытар туһунан быһаарыы СӨ Бырабыыталыстыбатын Бэрэссэдээтэлин солбуйааччы Сергей Местников салайааччылаах тэрийэр кэмитиэт мунньаҕар ылылынна.
Сергей Местников ахсынньы 30 күнүгэр диэри тэрийэр-тэхиньиичэскэй дьаһаллар былааннарын оҥорорго, сүрүн хайысхаларынан оробуочай хамыыһыйаны тэрийэргэ, ону сэргэ спортивнай инфраструктура эбийиэктэрин испииһэгин, кыттааччылар түһэр сирдэрин быһаарарга, култуура бырагырааматын оҥорорго сорудахтаата.
Күрэхтэһии сэттэ көрүҥүнэн ыытыллар. Олорон эрэ волейбол, голбол, чэпчэки атлетика, дуобат, остуол тенниһэ баар буолуохтара. Байыаннай дьайыы кыттыылаахтарыгар бырагыраамаҕа буулдьанан сыалы ытыы киирэр. Ону таһынан — «ох саанан ытыы» киллэриллэр.
Спартакиаданы ыытыы РФ Бэрэсидьиэнэ В.Путин көҕүлээһининэн олоххо киллэриллэр «Арассыыйа успуорда» федеральнай бырагыраамасыалын-соругун туолуутугар сөп түбэһэр.
Санатан эттэххэ, 2004 сыллаахха Дьокуускайга адаптивнай успуорт I спартакиадатыгар 120 киһи кыттыыны ылбыта.
Сиһилии: https://www.sakha.gov.ru/news/16975
СӨ Ил Дарханын уонна Бырабыыталыстыбатын пресс-сулууспата
Хаартыска «Дьулуур» XIV спартакиада архыыбыттан
РФ тыа хаһаайыстыбатын министиэристибэтин тыа сирин сайыннарыыга департаменын дириэктэрин э.т. Дарья Рябухина тыа сирин кэлимник…
Уус Алдан улууһугар С.С.Васильев-Борогонскай аатынан киин бибилэтиэкэ ааҕар саалатыгар "Түмэр, көҕүлүүр киһибит этэ..." диэн СӨ култууратын…
2025 сылга байыастарга анаан Саха сириттэн 132 тиэхиньикэ тиэрдиллибит. Бу туһунан Донбасска көмөлөһөр уонна өйүүр…
Олооһун диэн тугуй? Олооһун туохтан үөскүүрүй? Сааскы, сайыҥҥы, күһүҥҥү, кыһыҥҥы олооһуннар диэни истибиккит дуо? Күнү…
Дьокуускайга Кэтээн көрөр сэбиэт мунньаҕар “Соҕуруу Саха сирэ” урутаан сайдар сир-уот (ТОР) кэскиллээх былаанын бигэргэттилэр.…
Аҕа дойду Дьоруойдарын күнүгэр Бэрдьигэстээх нэһилиэгин баһылыга Алексей Аргунов байыаннай дьайыы бэтэрээннэрин кытта көрүстэ. Нэһилиэк…