Хаартыска "Амма олоҕо" улуус хаһыатыттан
Аммаҕа от ыйын 5-9 күннэригэр «Дьулуур» адаптивнай успуорка күрэхтэһии ыытыллара былааннанар. Манна тыһыынчаттан тахса киһи кыттыа диэн этиллэр.
Бу туһунан СӨ Бырабыыталыстыбатын бэрэссэдээтэлин солбуйааччы Сергей Местников салайааччылаах тэрийэр кэмитиэт Амма улууһугар тахсан мунньахтыырыгар кэпсэттилэр. Мунньахха күрэхтэһиини ыытыыга, бэлэмнэнии үлэтигэр болҕомто уурулунна.
Спартакиада Ил Дархан Айсен Николаев дьаһалынан, адаптивнай успуорду, доруобуйаларыгар хааччахтаах дьоҥҥо чэбдигирдэр үлэни сайыннарар, чөл, чэгиэн олоҕу киэҥник тарҕатар соруктаах ыытыллар.
Оройуон киинигэр оробуочай бөлөх «Олимп» стадиоҥҥа, «Дружба» успуорт комплексыгар, Бөтүҥҥэ элбэх хайысхалаах успуорт саалатыгар, Чапчылҕаҥҥа успуорт саалатыгар сырытта. Ол кэнниттэн «Олимп» стадиоҥҥа өрөмүөнү (точечнай) ыытарга быһаарыы ылылынна.
Маны сэргэ, Амма улууһуттан үөрэнэр устудьуоннартан уонна олохтоохтортон 150 волонтеру бэлэмнииргэ үлэ ыытыллар.
Мунньах кэнниттэн Сергей Местников стадиоҥҥа өрөмүөн, дьону түһэрэр, аһатар боппуруостары, культурнай тэрээһиннэри ыытыыны, о.д.а. түргэнник чопчулуурга соруйда.
Билиҥҥи туругунан, далааһыннаах тэрээһиҥҥэ кыттарга улуустартан 26 хамаанда кыттар баҕалааҕын биллэрэн сайаапкаламмыт. Барыллааһынынан, кыттааччытын ахсаана 1,4 тыһ., итинтэн 1,07 тыһ. спортсмен, 142 тириэньэр, 188 бэрэстэбиитэл уонна арыаллааччылар.
Санатан эттэххэ, адаптивнай успуорка I спартакиада 2004 сыллаахха Дьокуускайга ыытыллан турар. Онно 120 киһи кыттыыны ылбыта.
СӨ Ил Дарханын уонна Бырабыыталыстыбатын пресс-сулууспата
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…