Айталина Аргунова хаартыскаҕа түһэриитэ
Хотугу төрүт олохтоох аҕыйах ахсааннаах норуоттар маастардарын быыстапката болҕомтону тардар.
Төрдүс төгүлүн ыытыллар бырайыак Аҕа дойду уоттаах сэриитигэр Улуу Кыайыы 80 сылыгар ананар. Манна 15 улуустан 70 маастар, уран тарбахтаах, мындыр толкуйдаах талааннаахтар, Дьокуускайтан, Хабаровскайтан, Сахалинтан кытталлар.
Быыстапкаҕа «Коколло» диэн хотугу норуоттар үтүлүктэрин уонна бэрчээккилэрин арааһыгар күрэс ыытыллар. Манна даҕатан бэлиэтиир буоллахха, бырайыагы Алдан, Усуйаана, Эдьигээн улуустара үөрүүнэн өйүүллэрин биллэрбиттэрэ уонна үтүлүктэр араастарыгар күөн күрэһи улуустарыгар эмиэ ыыппыттара. Онтон манна куонкуруһу таһынан былыргы үтүлүктэр дьон-сэргэ көрүүтүгэр эмиэ аҕалыллыбыттара тэрээһини өссө сэргэх, ураты оҥорор. Бу үтүлүктэр ураты интэриэһи үөскэтэллэр. Тоҕо диэтэххэ, үгэс буолбут быһыыларын-таһааларын, матырыйаалларын үөрэтэргэ кыаҕы биэрэллэр.
Нэһилиэк 85 сылыгар аналлаах «Күлүмнүүр Күп күнэ» диэн эбэҥки култууратын бэстибээлин чэрчитинэн Уус Маайа оройуонун Күп нэһилиэгин дэлэгээссийэтин улахан экспозицията болҕомтону тарта. Манна «Мэккэ» айар түмсүү туос иһиттэрэ, ураты иистэр, худуоһунньук Егор Степанович Дьячковскай хартыыналара бааллар.
Быыстапканы А.Е.Кулаковскай аатынан норуоттар доҕордоһууларын дьиэтин мраморнай саалатыгар ахсынньы 12 күнүгэр диэри кэлэн көрүөххүтүн сөп.
Тэрийээччилэр: «Симэх» национальный киин, норуоттар доҕордоһууларын дьиэтин өйөбүлүнэн Хотугу төрүт олохтоох аҕыйах ахсааннаах норуоттар маастардарын сойууһа, КМНС ассоциацията, «Аборигенка» СӨ дьахталларын уопсастыбаннай национальнай-култуурунай түмсүүлэрэ.
А.Е.Кулаковскай аатынан норуоттар доҕордоһууларын дьиэтин пресс-сулууспата
Айталина Аргунова хаартыскаларга түһэриитэ
“Талааннаах киһи барытыгар талааннаах” диэн этии оруннааҕын үгүс түгэҥҥэ көрө-истэ сылдьабыт. Былырыыҥҥы “Үрдэл” ырыа бириэмийэтигэр…
Олунньу 1 күнүгэр Арчы дьиэтигэр өрөбүллээҕи Оһуокайбыт үрдүк таһымнаахтык ааста. Куоракка олорор уус алданнар тоҕуоруһан…
“Успуорт сарыыссатынан” ааттанар чэпчэки атлетика аата эрэ “Чэпчэки атлетика”. Дьиҥинэн, успуорт көрүҥнэриттэн биир уустуктара. Ким…
Билиҥҥи кэмҥэ волонтердар көмөлөрө олус улахан суолталаах. Тыһыынчанан волонтердар түмсэн байыаннай дьайыы кыттыылаахтарын өйүүллэр. Бүгүн…
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…