Хаартыска: СӨ Ил Дарханын уонна Бырабыыталыстыбатын пресс-сулууспата
Норуоттар икки ардыларынааҕы гроссмейстердар, аан дойду хас да төгүллээх чөмпүйүөннэрэ, Саха сириттэн Николай Стручков уонна Башкорторстантан Айнур Шайбаковы кытта суперматчка киирсиилэр ыалдьыт кыайыытынан түмүктэннэ.
Матчы бэс ыйын 2 күнүгэр «Саха» НКИХ, «Мамонт» телеханаалларынан уонна социальнай ситимнэринэн быһа эпииргэ көрдөрдүлэр.
СӨ Бырабыыталыстыбатын бэрэссэдээтэлин солбуйааччы Сергей Местников этэринэн, бырайыак өрөспүүбүлүкэҕэ дуобат успуордун популяризациялааһыҥҥа туһуланар. Маннык ньыманан суперматч алтыс төгүлүнэн ыытыллар уонна дуобат успуордун таптааччыларга эрэ буолбакка, нэһилиэнньэҕэ улахан болҕомтону тардар.
«Биһиги өрөспүүбүлүкэбитигэр дуобат успуорда олус күүскэ сайдар. Биһиги дуобат оскуолабытын Российскай Федерацияҕа эрэ буолбакка, аан дойдуга барытыгар билинэллэр», — диэтэ Сергей Местников.
Сергей Местников эппитинэн, бэс ыйыгар успуорт бу көрүҥүн сайыннарыыга сүҥкэн кылааты киллэрбит Николай Кычкин 85 сылыгар, Владимир Птицын 75 сааһыгар, Ил Дархан Куубагар анаммыт улахан турнирдар буолуохтара.
Икки партияттан түөрт микро-матч түмүгүнэн, кыайыылааҕынан 7:1 ахсаанынан Айнур Шайбаков буолла. Сергей Местников кыайыылаахха 100 тыһыынча солк. суумалаах сэртипикээти, ону тэҥэ Николай Стручковка 50 тыһыынча солк. суумалаах сэртипикээти туттарда. Сиһилии манна аах.
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…
Бултуулларын сөбүлүүр дьоҥҥо, булчуттарга маннык бэртээхэй сүбэ баар. Бастатан, айылҕатын быһыытынан тыһы ыт ордук…
Бүлүү өрүс хаҥас кытылын гаастааһын улахан бырагырааматын олоххо киллэриигэ, 2026-2031 сс. Үөһээ Бүлүү улууһугар Харбалаҕа,…
Саха сиригэр удаҕан көмүүтэ көһүннэ диэн иһитиннэрии төһө оруннааҕын билээри, саха биллэр этнографтарыттан биирдэстэрэ, Ем.…
Мииринэй оройуонун ИДьМ отделын дьуһуурунай чааһыгар Мииринэй олохтооҕо дьахтар баайын-дуолун алдьаппыттарын туһунан сайабылыанньа суруйан киллэрбит.…