Дуобатчыт Тунаара Федорова Арассыыйа Куубагар бастаата

Саха сирин дуобатчыта Тунаара Федорова Арассыыйа Куубагар кыһыл көмүс мэтээли ылар ситистэ. Бу туһунан СӨ сүүмэрдэммит хамаандаларын бэлэмниир киин иһитиннэрэр.

Тунаара Федорова дуобакка түргэн оонньууга кэннигэр сүүрбэ утарылаһааччытын хаалларан, эрэллээхтик бастаата. Күрэхтэһии Краснодарскай кыраайга буолла.

Саха сирин оонньооччутун кытта алта гроссмейстер, түөрт успуорт маастара, итиэннэ хас даҕаны хандьыдаат кытыннылар. Иккис миэстэни Санкт-Петербургтан Татьяна Егорова, үһүс миэстэни Ленинградскай уобаластан Жанна Саршаева ыллылар.

Куубакка эр дьоҥҥо Саха сириттэн Николай Стручков үрүҥ көмүс мэтээли ылары ситистэ.