Дуобатчыттар сүүмэрдэммит хамаандата Арассыыйа чөмпүйэнээтиттэн кыһыл көмүс мэтээллээх кэллилэр

Хамаанда уопсайа 10 мэтээллээх. Московскай уобаласка ыытыллыбыт Арассыыйа чөмпүйэнээтигэр Саха сирин сүүмэрдэммит хамаандата кыттан, түөрт кыһыл көмүс мэтээли ылары ситистэ.

Маны таһынан үстүү үрүҥ көмүс уонна боруонса мэтээллэрдээх. Бу туһунан Өрөспүүбүлүкэтээҕи успуорка бэлэмнэнии киинэ иһитиннэрэр.

Классическай бырагыраамаҕа Гаврил Колесов уонна Юлия Никанорова кыһыл көмүс мэтээллэннилэр. Түргэн оонньууга дойду чөмпүйүөнүнэн кэскиллээх Айсен Егоров буолла. Чаҕылҕанныы оонньууга Тунаара Федорова бастаата.

Маны таһынан Гаврил Колесов, Тунаара Федорова түргэн оонньууга, оттон Юлия Никанорова чаҕылҕанныы оонньууга үрүҥ көмүс мэтээлинэн наҕараадаланнылар. Нарыйаана Сергеева түргэн оонньууга уонна классическайга, Николай Гуляев классическай оонньууга боруонса мэтээллэри ылары ситистилэр.