Феврония Данилова хаартыскаҕа түһэриитэ
Амма нэһилиэгэр «Тэтим» дьоҕус паарка тутуллуо.
Ол иитинэн, алгысчыт Василий Качаткин алаас иччититтэн көҥүллэтэн, тутуу былааннаммытын хоту табыллан, сатанан, ыччат дьон, нэһилиэк олохтоохторо тоҕуоруһа мустар, сынньалаҥнарын туһалаахтык атаарар кэрэ сирдэрэ буоллун диэн Үрдүк Айыылартан көрдөстө, алгыһын анаата.
Үөрүүлээх күҥҥэ истиҥ эҕэрдэлэр этилиннилэр. Бу дьоһун тутууну маннык үлэҕэ үөрүйэхтээх «Диапазон» ХЭУо дьэндэтиэхтээх. Мустубут дьоҥҥо тутуу туохтан саҕаланыахтааҕын кэпсээтилэр, олохтоохтору субуотунньуктарга көхтөөхтүк кыттарга ыҥырдылар.
Нэһилиэк кырдьаҕас олохтоохторун ааттарыттан Федоров Дмитрий Сергеевич, Алексеев Анатолий Денисович, Федорова Татьяна Васильевна санааларын үллэһиннилэр. Урукку кэмнэргэ бу оскуола алааһыгар туох тутуулар турбуттарын, аммалар билэр, ытыктыыр тириэньэрдэрэ Давыдов Н.М. элбэх ыччаты успуорка уһуйбутун ахтан-санаан аастылар. Паарка кини аатын сүгэрэ буоллар диэн баҕа санааларын тиэртилэр.
Аныгылыы тутуулаах пааркаҕа тэрээһиннэргэ аналлаах сыаналаах, үөһэттэн көрөр сирдээх, бэлисипиэтинэн сылдьарга анал ыллыктаах, эргиччи уоттаах-күөстээх, оҕо-аймах оонньуур сирдээх, кыһынын күөлгэ хатааһылыыр катоктаах, сылаас иттэр дьиэлээх, кафелаах, салааскалыыр сирдээх буолара былааннанар. Бу паарка таһыгар оскуола, успуорт саалалара баалларынан оҕолор, дьон-сэргэ хаһан баҕарар кэлэн дуоһуйа сынньанар, көрсөн астына кэпсэтэр кэрэ-бэлиэ сирдэринэн буолара саарбахтаммат. Нэһилиэккэ кэрэхсэнэр биир бэлиэ сиринэн буолуоҕа.
Дьон-сэргэ бука бары субуотунньуктарга көхтөөхтүк кыттыахтара. Үлэ болдьомут кэмигэр түмүктэниэ, «Тэтим» паарка үөрүүлээх аһыллыыта буолуоҕа диэн эрэнэбит.
Феврония Данилова,
«Тэтим» түөлбэ олохтооҕо.
Ааптар хаартыскаҕа түһэриитэ
Бу ый саҥатыгар Норуоттар икки ардыларынааҕы “Саха сирин бриллианнара” хаар уонна муус оҥоһук бэстибээлигэр араас…
Ааһан эрэр 2025 сыл Өймөкөөн улууһун олохтоохторугар айылҕа иэдээнэ -- алдьатыылаах халаан үгүс хоромньуну оҥорон,…
Саҥа дьылга эҕэрдэлэһэн буостанан аккырыыкка ыытыһар үтүө үгэс баара. Ол аныгы үйэҕэ уларыйан турар. Ол…
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…