Хаартыска: Лента.ру
Бэс ыйын 12 күнүгэр АХШ Арассыыйаны утары сааҥсыйатын кэҥэтэн, хара испииһэгэр Москватааҕы биржаны уонна Национальнай клиринговай киини киллэрбитэ. Киин Баан бэс ыйын 14 күнүттэн Мосбиржа валютнай уонна күндү металларга ырыынагар сарсыардааҥҥы атыытын тохтотон эрэргэ быһаарынна диэн РИА-Новости суруйар.
Мосбиржа атыытын тохтоппутун кэннэ, валютаны атастаһар пууннарга дуоллар сыаната 110 солкуобайга тиийбитэ. Билигин 99 солкуобайга тохтообут. Үспүкүлээннэр дуоллары 200 солкуобайга тиийэ атыылыы сылдьыбыттар.
«Дьон Арассыыйа бааннарыгар дуолларынан, евронан уурунуулара оннунан хаалар, туох баар дьайыы (устуу, угуу) үлэлиир. Бааннарга валютнай счету да аһыахха сөп», — диэн Киин Баан иһитиннэриитигэр этиллэр.
Ол эрээри, валютаҕа уурунуулаах дьону уолуйбакка, дуоллары үрдээбит сыананан атыыласпакка, кэтэһэн эрэргэ сүбэлииллэр. Ордук омук сиригэр сотору кэминэн күүлэйдии тахсыахтаах дьон уонна биржа инвестордара долгуйаллар, уолуйаллар эбит.
Банки.ру портал ырытааччыта Богдан Зварич этэринэн, маннык сааҥсыйа буолуо диэн эрдэттэн билэллэр, бэлэмнэммиттэр эбит. Холобур, экэниэмикэ дуоллартан тутулуктаах буолуутун кыччаппыттар. Билигин Москватааҕы биржаҕа турецкай лираны, кытай юанын, казахтар тенгелэрин, о.д.а. атыылаһыахха сөп. Билигин импортердар, экспортердар юань диэки хайыһаллар.
Бэрэсидьиэн Владимир Путин этэринэн, Арассыыйаны мөлтөтө сатааһын — арҕааҥҥы бэлиитикэ стратегията, ол эрээри сааҥсыйалар аан дойду экэниэмикэтигэр ордук улахан охсууну оҥордулар. Оттон Арассыыйа сааҥсыйалар ыгыыларын тулуйар.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…