Салгыы
До выборов президента РФ
00 дней
:
00 часов
:
00 минут
:
00 секунд
Дууһа кылын таарыйар кэнсиэр ураты көрүҥэ

Дууһа кылын таарыйар кэнсиэр ураты көрүҥэ

09.10.2023, 19:12
Хаартыска уонна видео -- Елена Потоцкая
Бөлөххө киир:

2019 сыллаахха Юрий Платонов аатынан СӨ Эстрада судаарыстыбаннай тыйаатырыгар  көрбөт дьон бибилэтиэкэлэрин ааҕааччыларыгар анаан социальнай тэрилтэ үлэһиттэрин көҕүлээһининэн «Бу кинилэр эрэ сэриилэрэ буолбатах» диэн тифло-испэктээк турбута.

Бу испэктээккэ Хотугулуу-Илиҥҥи федеральнай университет устудьуоннара оонньообуттара.

Хаартыска: s-vfu.ru саайтан

2021 сылтан  Юрий Платонов аатынан СӨ Эстрада судаарыстыбаннай тыйаатырын  репертуарыгар «Мин сүрэхпинэн көрөбүн» диэн тифло-кэнсиэрдэр киирбиттэрэ. Бу бырайыак көрбөт дьоҥҥо уонна доруобуйаларыгар хааччахтаах дьону уопсастыбаҕа, тулалыыр эйгэҕэ чугаһатар соруктаммыта. Кэлин көрөөччү биһирээн,  ырыа нөҥүө дьон уйулҕатын хамсатан, күннээҕи түбүктэн эбэтэр санаа-оноо буола сылдьар «сүгэһэртэн» босхолуур көстүүнэн буолбута. Быһата, киһи дууһатын кылын таарыйан, санаа баттыгын чэпчэтэр, артыыс, ырыаһыт кыттыгастаах  испэктээк биир көрүҥүн көрөөччү ылыммыта. 
Дьон кэнсиэргэ харахтарыгар мааскалаах олороллор, тулаларыгар туох буола турарын көрбөттөр. Тула уу-чуумпу. Манна көрөөччү уонна артыыс ырыатын, уус-уран ааҕыытын нөҥүө бэйэ-бэйэлэрин дорҕоон, сыт уонна таарыйыы нөҥүө билсэллэр. Дьон бу кэнсиэркэ ис дууһалара арыллан, ырыа ис хоһоонугар толору киирэллэр, хас биирдии киһи муусукаҕа уйдаран араас хартыынаны көрөр: оҕо сааһыгар эргиллэр, бастакы тапталыгар уйдарар, уруккуну-хойуккуну санаан ааһаллар, үөрэллэр, ытыыллар, сонньуйаллар, соһуйаллар. Кэнсиэр бүтэһигэр чэпчээн, арааһы санаан, анааран сырдыкка уонна кэрэҕэ талаһар буолаллар, — диэн санаатын үллэстэр Юрий Платонов аатынан СӨ Эстрада судаарыстыбаннай тыйаатырын уус-уран салайааччыта Мария Герасимова.

«Мин эйиигин  сүрэхпинэн көрөбүн, Сахам сирэ!»  диэн тифло-кэнсиэргэ анаан сырыттым. Харахпыт баайыытын устан баран, кыттыбыт артыыстар көрөөччүлэр иннилэригэр тахсыбыттарыгар, кимнээх кыттыбыттарын дьэ көрдүбүт. Ол иннинэ куоластарын эрэ истэн, кимнээх кытталларын сэрэйэ олорбуппут. Кэнсиэр кэнниттэн көрөөччүлэр санааларын түмтүм.

Ньурбаттан сылдьар Клара Саввина санаатын маннык үллэһиннэ:

Таатта олохтооҕо Саргылаана Васильева тифло-кэнсиэр кэнниттэн бу курдук санаалаах буолла:

Оттон тифло-кэнсиэргэ бэйэтэ кыттыбыт Саха Өрөспүүбүлүкэтин үтүөлээх артыыһа, аан дойдуга аатырбыт виртуоз-хомусчут, «Айархаан» бөлөх салайааччыта  Альбина Дегтярева кэнсиэр туһунан маннык санаалаах:

+1
1
+1
0
+1
0
+1
0
+1
0
+1
0
+1
0
Бары сонуннар
Салгыы
23 февраля
  • -36°C
  • Ощущается: -36°Влажность: 66% Скорость ветра: 1 м/с

Сообщить об опечатке

Текст, который будет отправлен нашим редакторам: