Дьуһуурунай борокуруор: Киин куоракка түөкүттэр педагогтан 4,5 мөл. солк. уордулар

Ааспыт сууккаҕа Саха сиригэр 4 буруйу оҥоруу тахсыбыта регистрацияланна.

Кэбээйи уонна Мэҥэ Хаҥалас улуустарыгар уоруу тахсыбытын туһунан сайабылыанньалар киирдилэр, ол иһигэр эмсэҕэлээччи баан счетуттан 169 тыһ. солк. тахса сууматыттан маппытын туһунан тыллаата. Дьокуускай куоракка түөкүннээһин туһунан холуобунай дьыала тэрилиннэ — педагог 4,5 мөл. солк. тахса суума харчытын сүтэрдэ.
Сууккаҕа 4 баһаар тахсыбыт, өлбүт уонна эмсэҕэлээбит дьон суох. Киһи өлүүлээх суол быһылаана регистрацияламмата.
Суукка иһигэр 16 суоппар итирик туруктаах сылдьан тутулунна.