Дьууһуурунай борокуруор: Аммаҕа суол быһылаана бэлиэтэннэ

Саха сиригэр ааспыт сууккаҕа 4 буруйу оҥоруу бэлиэтэннэ.

Бу туһунан СӨ Борокуратуурата иһитиннэрэр.Сунтаар улууһугар улахан эчэйиилээх эр киһи балыыһаҕа киирдэ, 1994 с.т. уорбаланар дьахтар тутулунна. Дьокуускай куоракка уоруу тахсыбытын туһунан сайабылыанньалар регистрацияланнылар, ол иһигэр баан счетуттан харчы уорулунна.

Киин куоракка иккиһин итирик туруктаах уруулга олорбут суоппар тутулунна. Сууккаҕа 7 баһаар регистрацияламмыт, өлбүт уонна эмсэҕэлээбит дьон суох. Киһи өлүүлээх суол быһылаана регистрацияламматах. Амма улууһугар Покровка нэһилиэгэр 1984 с.т. суоппар  «Тойота Ланд Крузер Прадо» массыынанан суолтан туораан,  улахан эчэйиилээх балыыһаҕа киирдэ.

Саха сиригэр сууккаҕа барыта 19 суоппар итирик туруктаах сылдьан тутулунна.