Хаартыска: Мария Васильева.
«Движение первых» Арассыыйатааҕы уопсастыбаннай-судаарыстыбаннай оҕолор уонна ыччаттар хамсааһыннарын эрэгийиэннээҕи салаатын ситимин үөскэтии туһунан, 2023 сыллаах үлэ түмүгүн уонна кэлэр сылга былааннары Сүрүннүүр сэбиэккэ кэпсэттилэр. Тэрээһини бырабыыталыстыба бэрэссэдээтэлин солбуйааччы Ольга Балабкина ыытта.
— Быйыл олунньуга Ил Дархан хамсааһын кыттааччыларыгар Саха сиринээҕи салаа регистрацияламмытын туһунан сэртипикээти туттарбыта уонна бэйэтэ бу хамсааһын настаабынньыгынан буолбута. Кылгас кэм иһигэр хамсааһын оҕо уопсастыбаннай хамсааһыныгар кубулуйда уонна элбэх оҕону, ыччаты түмтэ. Бүгүҥҥү күҥҥэ 35 олохтоох салаа аһылынна, 39 федеральнай уонна эрэгийиэннээҕи бырайыактар үлэлииллэр. Онно 29 тыһыынча ыччат кытынна. Бу хамсааһын Саха сиригэр бөҕөтүк олохсуйда, үлэтэ-хамнаһа бэрэсидьиэн Владимир Путин ыйбыт суолларыгар сөп түбэһэр. «Движение первых» хамсааһын патриотическай иитиигэ судаарыстыбаннай соруктары толорор, — диэн Ольга Балабкина эттэ.
«Движение первых» хамсааһын эрэгийиэннэри кытта алтыһыыга департаменын салайааччы Ксения Янова бырабыыталыстыбаҕа, Ил Дархан Айсен Николаевка эрэгийиэннээҕи базаны тэрийэргэ көмөлөрүн иһин махтанна. Саха сиригэр ханна да суох бастакы сүһүөх салаа баар — ол көс оскуолаҕа «көһө сылдьар салаа».
— Саха сирин эрэгийиэннээҕи салаатыгар байыаннай дьайыы байыастарын, дьиэ кэргэттэрин өйүүргэ олус көхтөөх позициялаахтар. «Книга друга» бырайыак чэрчитинэн, оҕолор 700 кинигэни хомуйан, ДНӨ бибилиэтиэкэлэригэр ыыппыттара, — диэн кини кэпсээтэ.
Ол курдук, «Зарница» өрөспүүбүлүкэтээҕи байыаннай-патриотическай оонньуу ситиһиилээхтик ыытыллыбытын бэлиэтээтилэр. «В гостях у ученого» Арассыыйатааҕы бырайыакка 6 тыһыынча оҕо кыттыбыт. Үс тыһыынча оҕо сайыҥҥы профильнай симиэнэҕэ сынньаммыт.
«Первая помощь от Первых!» Арассыыйатааҕы бырайыак өрөспүүбүлүкэтээҕи түһүмэҕин Саха сирэ бэркэ ыытан, Москваҕа финалга кыттыбыттара.
Хамсааһын Саха сиринээҕи салаатын бэрэссэдээтэлин солбуйааччы Александр Кузьмин отчуоттаабытынан, тэрээһиннэргэ 40 тыһыынча киһи, ол иһигэр 29,4 тыһыынча оҕо кыттыбыт. Манна «ПДН-ҥа», «КДН-ҥа» учуокка турар оҕолор эмиэ кытталлар.
Лада дьиэтигэр киэһэ 9 чаас саҕана түгэх хоһугар көмпүүтэргэ үлэлии олорон, эмискэ ойон туран түннүк…
Уһун өттүктээх, халыҥ бууттаах, кылгас бэрбээкэйдээх, модьу-таҕа атахтаах, убаҕас сиэллээх, хомпоҕор кэҥэриилээх, киэҥ таныылаах, уһун…
Сэтинньи 2 күнүгэр СӨ Оһуокай түмсүүтүн ыҥырыытынан ытык дьоммут, Арассыыйаҕа туризмы тэрийиигэ хонноохтоохтук ылсан үлэлии…
Таатта улууһун Харбалаах сэлиэнньэтин олохтоох бибилэтиэкэтин дьиэтигэр аҕам саастаах дьон - урукку хомсомуоллар Харбалаахтааҕы үөрэхтээһин…
Сунтаар улууһун дьаһалтатын, тыа хаһаайыстыбатын, үөрэҕирии, култуура о.д.а. управлениелар үлэһиттэрэ салайааччы Анатолий Григорьев тула түмсэн,…
Алексей Кулаковскай-Өксөкүлээх Өлөксөй саха сайдыытын түстээбит “Саха интеллигенциятыгар суруга” бүгүҥҥү күҥҥэ диэри ким өҥөтүнэн тиийэн…