Хаартыска: PxHere саайтан.
Былаас бэрэстэбиитэлигэр күүһүн көрдөрбүт уонна полиция отделениетын баайыгар-дуолугар хоромньу оҥорбут Таатта улууһун олохтооҕор холуобунай дьыала силиэстийэтэ түмүктэннэ.
Чурапчытааҕы улуустар икки ардыларынааҕы силиэстийэлиир отдел РФ Холуобунай кодексын 318 ыстатыйатын 1 чааһынан (былаас бэрэстэбиитэлигэр күүһү көрдөрүү) уонна РФ Холуобунай кодексатын 167-с ыстатыйатын 2-с чааһынан (күлүгээнниир сыалтан улахан хоромньулаах атын киһи баайын-дуолун соруйан алдьатыы уонна үлтү сынньыы) икки түһүмэхтээх буруйу оҥорууга буруйданар 31 саастаах киһиэхэ холуобунай дьыаланы силиэстийэлээһини түмүктээтэ
Силиэстийэ быһаарбытынан, 2025 сыл муус устар 1 күнүгэр буруйданааччы арыгы иһэн баран, нэһилиэк баһылыга олорор дьиэтигэр кэлбит итиэннэ кини үлэтинэн астымматын биллэрэн, хаста да сирэйгэ, этигэр охсубут.
Полицияны ыҥыран, ИДьМ Таатта улууһунааҕы отделениетыгар илдьибиттэрин кэннэ, административнайынан хаайыллыбыттар хаамыраларыгар киириэн баҕарбакка, буруйданааччы оперативник дьуһуурунайга физическэй күүһүн туттубут.
Ол кэннэ хаамыраҕа да сытан, полиция отделениетын баайын-дуолун алдьаппыт уонна үлтү сынньыбыт, тимир ыскамыайканы тоҕо тардыбыт, органическай харыстыыр өстүөкүлэни, видеонан кэтээн көрөр хаамыраны алдьаппыт уонна истиэнэни дьөлө сынньыбыт.
Бастакы силиэстийэ кэмигэр, дакаастабыллары хомуйууга уонна бигэргэтиигэ туһуламмыт силиэстийэлиир дьайыылар ыытыллыбыттара.
Борокуруор бигэргэппит буруйдааһыннаах холуобунай дьыаланы суукка ыыттылар, диэн иһитиннэрдэ Силиэстийэлиир кэмитиэт Саха сиринээҕи управлениетын салайааччытын ыстаарсай көмөлөһөөччүтэ Надежда Дворецкая.
Алтынньы 17-31 күннэригэр Дьокуускай куоракка ыытылла турар “Чайковский Фест. Якутск” бэстибээл төрдүс биэчэрэ “Евгений Онегин”…
Ааспыт нэдиэлэҕэ Өлүөхүмэ улууһун Заречнай нэһилиэгэр оҕо аймах, дьон-сэргэ кэтэспит кэрэ-бэлиэ күнэ буолла. Ол курдук …
Ыраастаммыт, сууйуллубут куобаҕы өлүүлэргэ араартыыбыт, сибиинньэ эбэтэр сылгы этин кытта булкуйабыт. Эттэри чугуун иһиккэ кутабыт.…
Бырабыыталыстыба бэрэссэдээтэлин солбуйааччы Георгий Степанов Дьокуускайга В.П. Решетников аатынан кырдьаҕастар, инбэлииттэр олорор интэринээт-дьиэлэригэр уонна анал…
Дьокуускай куорат Борокуратуурата Арассыыйа ИДьМ “Дьокуускайдааҕы” СУ МУ РФ ХК 159 ыст. 4 ч. көбүппүт…
Кэнники кэмҥэ оҕолор түмсэн оонньообот буоллулар, үксүгэр төлөпүөнүнэн эрэ оонньууллар. Оттон элбэх буолан, сүүрэн-көтөн оонньооһун…