Дьыаланы тоҕо тохтото сатыылларый?

Share

Бүгүн, муус устар 12 күнүгэр,  эдэр сааһыгар олохтон туораабыт суруналыыс Татьяна Васильева аймахтара уонна доҕотторо пресс-кэмпириэнсийэ тэрийэн ыыттылар.

Санаттахха, 2021 сыл балаҕан ыйын 15 күнүгэр икки игирэ кырачаан кыыс ийэтэ, СИА суруналыыһа Татьяна Васильева (Симакова) 41 сааһыгар Дьокуускайга Семен Данилов уонна Жорницкай аатынан уулуссалар быһа охсуһууларыгар  суол саахалыгар соһуччу олоҕо быстыбыта.

Пресс-кэмпириэнсийэҕэ иһитиннэрбиттэринэн, Татьяна Васильеваны түҥнэри көппүт суоппар ханнык да эппиэтинэһи сүкпэтэх. Силиэстийэлиир уорганнар киһи өлүүтүгэр буруй састаабын булбатахтар, ону тэҥэ холуобунай дьыала көбүтүллүбүтэ иккис төгүлүн тохтотуллубут. Тэрээһиҥҥэ бииргэ төрөөбүт балта Анна, убайа Ян уонна албакаат Павел Васильев кытыннылар.

Албакаат Павел Васильев суруналыыстарга хоруйдаан, силиэстийэни младшай лейтенант, балайда уопута суох, дьыалаҕа  сиһилии сыстыбатаҕын эттэ. Тахсыбыт суол быһылааныгар туоһу суох, онон дьыаланы силиэстийэлээччилэр хас да төгүл уларыйбыттара этилиннэ. Аймахтара уонна албакаат холуобунай дьыала матырыйаалларын кытары билиҥҥэ диэри билсэр кыахтара суох эбит. Арай сэрэппэккэ эрэ, бу сыл олунньутугар, холуобунай дьыаланы тохтотор туһунан уурааҕы иккиһин туттарбыттар. Бу иннинэ холуобунай дьыала 2022 сыл ахсынньытыгар тохтотулла сылдьыбыта биллэр. Татьяна аймахтара уонна албакаат дьыаланы көбүтэн, өссө күүскэ кичэллээхтик силиэстийэни ыыталларыгар уонна чинчийэллэригэр эрэйэллэр.

Хаартыска: Василий Прокопьев

Саха сиринээҕи ИДьМ силиэстийэлиир управлениета суол быһылаана тахсыбыт дьыаланы үс сыл устата силиэстийэлээбит. Ол курдук, пресс-кэмпириэнсийэҕэ үгүс суруналыыстар холуобунай дьыаланы силиэстийэлээһин хас да сыл устата соһуллан чинчийиллибитигэр мунаахсыйалларын биллэрдилэр. Сорох кэмҥэ бу дьыаланы анаан-минээн уһаппыттарыгар сабаҕалааһыннар кытта бааллара этилиннилэр.

Татьяна Васильева доҕотторо уонна аймахтара кырдьыгы ситиһэр сыалтан, үрдүкү салалтаҕа тиийэ тахсар санаалаахтар. Онон бу пресс-кэмпириэнсийэ дьыаланы тиһэҕэр тиэрдэргэ, буруйдааҕы буларга, уурааҕы көтүрэргэ, дьулаан быһылааны өссө сыныйан үөрэтэллэригэр уонна көбүтэргэ бастакы хардыынан буолуоҕа.

Бэлиэтээн эттэххэ, Татьяна икки игирэ кыыһа тулайаах хаалбыттара. Кинилэри бииргэ төрөөбүт балта Анна эпиэкэҕэ иитэ ылбыта, бэйэтэ икки оҕолоох. Билигин кыргыттар 15 саастаахтар, 8 кылааска үөрэнэллэр.

Сиһилии бу иннинэ Эдэр саас саайка «Силиэстийэ тоҕо уһаата?» диэн суруналыыс Сардаана Кузьмина матырыйаалын ааҕыҥ.

Recent Posts

  • Сонуннар
  • Уопсастыба

Дьокуускайдааҕы епархияҕа сахалыы Библия тиэрминнэрин быһаарыылаах богословскай тылдьытын бэлэмнииллэр

От ыйын 8 күнүгэр Дьокуускай уонна Ленскэй архиепискоба Роман Дьокуускайдааҕы епархия тылбаас отделын үлэтин мунньаҕын…

8 минут ago
  • Быһылаан
  • Сонуннар

Дьокуускайга өссө биир тэллэйдьит тыаҕа муммут

От ыйын 9 күнүгэр киэһэ хойут Саха сирин быыһааччылара тыаҕa муммут 85 саастаах киһини көрдүү…

23 минуты ago
  • Быһылаан
  • Сонуннар

Хаҥаласка ситэ тутуллубатах успуорт былаһааккатын үлэтин тутан дьыалаҕа тардылыннылар

Хаҥалас улууһун борокуратууратын бэрэбиэркэтин түмүгэр, улуус дьаһалтата бэдэрээччиккэ успуорт былаһааккатын тутууга аспаал-бетон бүрүөһүнүн тэлгээһин уонна…

38 минут ago
  • Быһылаан
  • Сонуннар

Дьокуускайга 9 суол саахала тахсыбыт, биир киһи эмсэҕэлээбит

От ыйын 9 күнүгэр Дьокуускай куорат сиригэр-уотугар 9 суол саахала бэлиэтэннэ, онтон бииригэр биир киһи…

1 час ago
  • Сонуннар
  • Уопсастыба

Бүгүҥҥүттэн Саха сиригэр дьэдьэн уонна сугун хомуура саҕаланар

Саха сиригэр сир аһын маассабайдык хомуйуу болдьоҕо бигэргэннэ. Ол курдук, от ыйын 10 күнүттэн хас…

1 час ago
  • Быһылаан
  • Сонуннар

Дьуһуурунай борокуруор: Нерюнгригэ дьахтары өлөрбүттэр

Сэрэдэҕэ, от ыйын 9 күнүгэр, Саха сиригэр 5 буруйу оҥоруу тахсыбыта бэлиэтэммит. Бу туһунан СӨ…

2 часа ago