Дүөдэ «көһүүтэ» — айылҕа ураты көстүүтэ

Бэҕэһээ Амма улууһун  Соморсун нэһилиэгиттэн тэйиччи айан суолун диэки 50 кыраадыс тымныыга алаас уунан туола түспүтэ социальнай ситимнэринэн тарҕанна.  

Соморсун нэһилиэгин баһылыга Алексей Кононов айылҕа бу  дьикти көстүүтүн маннык быһаарда:

— «Баппат чараҥа» диэн сиргэ тыа быыһыгар турар күөл — дүөдэ «көспүт». Ол эбэтэр ичигэс күннэр уһуннук туран, сир кытыыта ирэн тоҕо баран, аллараа үрэххэ киирбит. Ону «күөл көспүт» дииллэр. Итинник түбэлтэ биһиги эҥэр урут буола илигэ. Ол эрээри атын улуустар нэһилиэктэригэр дүөдэ көһүүтэ баар дииллэр. Ити айылҕа бэйэтин көстүүтэ.