Хаартыска: Sakha.Gov
Быйылгы Туймаада ыһыаҕар икки күн устата буолбут «Дыгын оонньууларын» дьон-сэргэ күн-дьыл туругун аахсыбакка, Үс Хатыҥҥа киирэн көрдө. Кыттааччыларга ыалдьан болҕомтотун уурда, уруй-айхал тылларын анаата. Оттон сорохтор быһа эпииринэн көрөн, эмиэ улаханнык долгуйа олордулар.
Оонньуулар тыҥааһыннаах мүнүүтэлэрин бары да кэтээн көрдүлэр. Дэлэҕэ даҕаны, үөрүү ухханыгар айар дьоҕурдаах дьон хоһоон суруйа охсуо дуо?
Эрэллээх ааҕааччыбыт, СӨ Суруйааччыларын сойууһун чилиэнэ, бэйиэт Алексей Татаринов-Удьурҕай кыайыылаахха, «Мичээр Боотурга» анаабыт хоһоонун билсиэҕиҥ.
Аммаларга күн көрдө,
Борис боотур өндөйдө
Кыайыы-хотуу аргыстаах,
Туймаадаҕа кынаттаах
Дьоһуннаахтык күөрэйдэ,
Киһи-аймах, дьэ үөрдэ!
Сардааналаах Амматтан,
Бурдук ыһар улуустан
Уолга улуус уруйа,
Аймах-уруу айхала
Өрүү эрчим биэриэхтин,
Күүскэ күүһү эбиэхтин!
Сылын ахсын Дыгыммыт
Төрүттээбит оонньуута
Боотурдары элбэттин!
Уйгу-быйаҥ сайыммыт,
Туймаадабыт Ыһыаҕа
Саҥа ааты таһаардын!
Эһиил эмиэ баччаҕа,
Саха дьоно ыһыахха
Туймаадаҕа мустуохпут,
Боотурдарга ыалдьыахпыт,
Хайа улуус боотура
Баһыйарын көрүөхпүт!
(Удьурҕай)
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…
Суруналыыстары кытта көрсүһүүтүгэр киин куорат мээрэ Евгений Григорьев мээрийэ өйөбүлүнэн тахсар "Киин куорат" хаһыат туһунан…