Дьулустан Сергеев хаартыската, СИА.
Чурапчыга ааспыт өрөбүллэргэ национальнай многоборьеҕа өрөспүүбүлүкэ чөмпүйэнээтэ ыытылынна. Күрэхтэһии түмүгүнэн түөрт бастыҥ көрдөрүүлээх боотур «Дыгын оонньууларын» финалыгар кыттарга путевка тутта.
Путевкалары 70 киилэттэн үөһэ ыйааһыҥҥа күрэхтэһэр эр дьоҥҥо оонньоттулар. Бу ыйааһыҥҥа 22 спортсмен күрэхтэстэ. Ол курдук, Амматтан Борис Сдвижков, Сунтаартан Алексей Соколов, Ньурбаттан Николай Обоев уонна Чурапчыттан Павел Друзьянов Туймаада ыһыаҕын бастыҥ түһүлгэтигэр күөн көрсөр чиэстэннилэр. Кинилэр төрдүөн «Дыгын оонньууларыгар» кыттыбыт уопуттаахтар диэн бэлиэтээн суруйабыт.
Икки күн устата боотурдар тутум эргииргэ, «үс төгүл үс» ыстаҥаҕа, оҕунан ытыыга, мас тардыһыытыгар, хапсаҕайга, сүүрүүгэ уонна ыараханы көтөҕүүгэ күрэхтэстилэр.
Инньэ гынан, «Дыгын оонньууларыгар» кыттарга билигин аҕыс бөҕөс путевкалаах: Дьулустаан Ноговицын (Горнай), Артем Дьяконов (Кэбээйи), Айсен Ботуев (Үөһээ Бүлүү), Яков Дмитриев (Кэбээйи), Борис Сдвижков (Амма), Алексей Соколов (Сунтаар), Николай Обоев (Ньурба), Павел Друзьянов (Чурапчы).
Аны сүүмэрдиир бүтэһик түһүмэх ыытыллыаҕа, онно өссө түөрт путевка оонньонуо. Бу түһүмэх ханна уонна хаһан буолара биллэ илик.
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…
Эми-тому атыылаһан баран, аны хайдах иһэр туһунан ыйыыны-кэрдиини (инструкцияны) төһө билсэбитий? «Күҥҥэ үстэ биир табылыакканы…