Хаартыска: СИА
Алексей Уваровскай Дыгын оонньууларыгар сүүмэрдиир турнир бастакы күнүн түмүгүнэн лидердэр ахсааныгар таҕыста.
Кэбээйи тустууга Алексей Уваровскай Дыгын оонньууларыгар сүүмэрдиир күрэхтэһии бастакы түһүмэҕин лидеринэн буолла. Билэргит курдук, Туймаада ыһыаҕын Дыгын оонньууларыгар барыта 27 спортсмен кыттыаҕа.
Оттон сүүмэрдиир турнир муус устар 18-19 күннэригэр Дьокуускайга «Дохсун» успуорт уораҕайыгар ыытыллар. Кыттааччылар бастакы күн национальнай ыстаныыга, тутум эргииргэ уонна мас тардыһыыга күүстээхтэрин биллэрдилэр.
Күрэхтэһии бастакы көрүҥэр — ыстаныыга Ньурба улууһуттан Валентин Афанасьев бастаата, иккис көрүҥҥэ — тутум эргииргэ — Кэбээйи улууһуттан Дыгын оонньууларын 2022 с. чөмпүйүөнэ Алексей Уваровскай буолла, оттон саамай күүстээх мас тардыһыы боотура Ньурба киһитэ Владимир Федоров буоллулар. Сарсын, муус устар 19 күнүгэр, боотурдар иккис күҥҥэ оҕунан ытыыга, сүүрүүгэ, хапсаҕайга уонна таас көтөҕүүтүгэр күөн көрсүөхтэрэ.
Бастакы күн түмүгүнэн түөрт лидер ахсааныгар Кэбээйиттэн Алексей Уваровскай, Үөһээ Бүлүүттэн Владимир Шологонов, Таатта улууһуттан Николай Матаннанов, ону тэҥэ Өлүөхүмэ улууһуттан Александр Пшенников таҕыстылар.
Турнирга Туймаада ыһыаҕын сүрүн күрэхтэһиитигэр кыттарга бүтэһик түөрт путевка оонньонор. Күрэхтэһиилэр күүстээх бөҕөстөр ортолоругар национальнай ыстаҥаҕа, мас тардыһыытыгар,тутум эргииргэ, оҕунан ытыыга, сүүрүүгэ, хапсаҕайга уонна тааһы көтөҕөн ыраах илдьиигэ ыытыллаллар.
Санатан эттэххэ, бу сайын күрэхтэһэр Дыгын оонньууларын аҕыс саха боотура биллибитэ: Дьулустан Ноговицын (Горнай улууһа), Артем Дьяконов (Кэбээйи), Айсен Ботуев (Үөһээ Бүлүү), Яков Дмитриев (Кэбээйи), Борис Сдвижков (Амма), Алексей Соколов (Сунтаар), Николай Обоев (Ньурба) уонна Павел Друзьянов (Чурапчы).
Бу салааты биирдэ амсайбыт киһи умнубат, астына-дуоһуйа сиир аһа. Сайыҥҥы чэпчэки, ол эрээри тотоойу уонна…
Таатталар «Манчаар онньууларын» кэмигэр "Тааттаҕа оҥоһулунна" диэн анал быыстапканы тэрийдилэр. Бу туһунан Дьокуускай куорат олохтооҕо…
Балыксыт күнүн көрсө СӨ Тыатын хаһаайыстыбатын уонна ас-үөл бэлиитикэтин Хоту дойду төрүт салааларын сайыннарыыга уонна…
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…