Хаартыска: Андрей Сорокин, ЯСИА.
Эһиилги «Дыгын оонньууларын» чөмпүйүөнэ үс мөлүйүөн солкуобайы уонна 7 мөлүйүөн солкуобайтан тахса сыаналаах Дьокуускай куоракка кыбартыыраны ылыаҕа.
Бөдөҥ бириистэри ааттаах-суоллаах күрэхтэһии генеральнай спонсордара туттарыахтара.
«Дыгын оонньууларын чөмпүйүөнүгэр «Город в парке» олорор комплекска 7,6 мөлүйүөн солкуобай кэриҥэ сыаналаах биир хостоох кыбартыыраҕа сэртипикээт туттарыахпыт. Онно национальнай бырайыагынан тутуллар оскуола, ону таһынан оҕо уһуйаана көрүллүбүт. Дьиэни 2027 сыл бүтүүтэ үлэҕэ киллэриэхпит», – диэн «СТК-23» ХЭТ генеральнай дириэктэрэ Анатолий Заболоцкий кэпсээтэ.
Саҥа спонсоры кытта сөбүлэҥ билигин биир сылга илии баттанна. Ону таһынан мэрия финалга тахсыбыт атын кыттааччыларга бириис туруорар партнердары көрдүү сылдьар. Үгэс быһыытынан, «Дыгын оонньууларын» чөмпүйүөнэ «Прогресс» ХЭТ генеральнай дириэктэрэ Алексей Пинигинтэн үс мөлүйүөн солкуобайы ылыаҕа.
Санатан эттэххэ, бастакы сүүмэрдиир түһүмэххэ Туймаада ыһыаҕын сүрүн турнирыгар путевканы Таатта улууһуттан Николай Матаннанов, Кэбээйиттэн Яков Дмитриев уонна Артем Дьяконов ылан тураллар. Амма уола Борис Сдвижков билиҥҥи чөмпүйүөн быһыытынан кыттар бырааптаах. Иккис сүүмэрдиир түһүмэх олунньуга Бороҕоҥҥо, үһүс – муус устарга Чурапчыга буолуоҕа. Хас биирдии турнирга бастыҥ үс кыттааччы «Дыгын оонньууларыгар» быһаччы путевканы ылыахтара. Атын алта кыттааччы үс сүүмэрдээһин түмүгүнэн рейтинг систиэмэтинэн быһаарыллыахтара.
Бэҕэһээ, олунньу 10 күнүгэр, Чурапчы улууһугар И. Е. Федосеев - Доосо аатынан Дириҥ орто агро-оскуолатыгар…
Боксаҕа Арассыыйа үтүөлээх маастара, Олимпийскай оонньуулар кыттыылааҕа, аан дойду чөмпүйэнээтин үрүҥ көмүс призера Василий Егоров…
Дьокуускай куораттааҕы үөрэх управлениета иһитиннэрбитинэн, олунньу 11 күнүнээҕи туругунан, 20 үөрэх тэрилтэтигэр ОРВИнан сибээстээн быстах…
Ханнык баҕарар балыгы буһарыах иннинэ маринадка туруордахха, олус минньигэс буолар. Оттон ону эбии пиибэлээх клярга…
Суруйааччы Константин Эверстов кылгас кэм иһигэр икки саҥа кинигэтэ таҕыста. Ол курдук, ааспыт сыл ахсынньытыгар…
Фронт кирбиитигэр саха конструктордара оҥорбут сеткомёттарын бэрэбиэркэлээн көрөн баран, байыаннайдар үрдүк сыананы биэрдилэр. Бу туһунан…